對唔住...我真的哭了!!

依篇blog我係喊住咁黎寫,今次眼淚除左係心中流,
亦將一路強忍係眼眶的淚水一下子好似雨水咁落下...

今朝我同我最好的摯友食埋佢係香港既'最後早餐',
傾起以前的的小學同學同以前既事.
係食野個陣,我一直一直忍住唔喊,唔想再係佢面前度喊~
當佢係Form.3最後一日返學個日,話我知佢要走(去愛丁堡讀書),
我已經忍唔住喊左一次[其實好耐好耐之前佢都有提過,但當時梗係不以為然la]
*我尋日特登去左SASA買左支潤唇膏,幾無厘頭,
actually我怕佢係個邊天氣乾燥,會爆擦,亦漏夜寫左封信俾佢,一路寫就一路喊
(係不由自主咁喊...真係忍唔住)無人會知道我有幾傷心,有幾唔捨得
我真係~
好怕會無左個好朋友
好怕佢會唔記得我
好怕我地之間的友誼會隨住時間被埋沒
我好希望時間沖淡的可以唔係我地之間的友情memory!!!
突然想起小學臨別時個本紀念冊出現得最多的字眼係"友誼永固"
~依一刻我真的希望如此~
我唔捨得係因為我當佢係我最好最好既朋友,
唔會有任何人能夠代替佢係我心目中的地位...
或者連佢亦未必知道我點解會對佢有咁深的友情,
但我好清楚自從中一發生個件我唔會忘記的事開始~
我知道真正對我好的朋友係'佢',係我最需要朋友的支持的時候,亦只有佢一直係我身邊ar
(講返起我地已相識8年,不過真正熟落就係小學4,5年班,
8年唔係一個短的時間,係依家只有15年的童年歲月都佔了不少!!)
佢今早答應過我話會send返D相俾我,岩岩諗住check下msn睇下佢有冇send
點不知無,咁打電話去問下佢,點不知打有左幾次屋企都無人聽,
只好打佢手提lo,好開心我有打個個電話!
若果唔係,我再聽唔到佢把聲la...佢臨時改早班機,依家應該check in左,
甚至上左機,佢頭先話最遲ii:30p.m. check in,
原本應該係聽日上機,我無機會去送佢機la~
頭先我地通電話時,佢叫我收線後唔好喊好......
對唔住,對唔住,對唔住,對唔住...我做唔到...
仲有佢叫我可以上佢xanga睇下,話當係回信俾我,
我已經睇左~
內文如下:
沒有佢嘅日子 ,第5日..
啱啱同塋去左食早餐..咁早打xg係因為..今日可能要去機場..

打唔到..今日..係我係hk嘅last day..12月見喇..

----------------------------------------------------------

瑩:thx你嘅禮物..唔知道你今日會唔會睇到我xg呢..

你封信我果然唔可以上機先睇呢..數下數下..我地真係識左8年..

但真係熟嘅唔係好多年..4,5年班先開始熟..到而家..8年真係好快過..

琴日你打比我約我..我真係幾開心嫁..我地都有2年冇同班了..

但你都仲記得我..睇完封信先知道..你一直都當我係摯友..

我真係好開心呢..你真係一個好重情義嘅人..

記得中一時..我地成日都一齊番學放學..

小學一齊玩..好多開心嘅回憶..我永遠都係你身邊的..^^

我唔會忘記你嫁..比心機讀書喇..!!

好多謝'你'亦重視我地之間的友誼...但以後高中的課程再沒有'你'的陪伴,
但我答應'你'我一定會努力,一齊發力la,希望我地可以快有碰頭的時候!!
希望'你'要好好保重(雖不知你會否有機會看到依個blog)

記得小學畢業時我地曾經唱過依首'最後一塊',依首歌亦埋藏了我地小時的回憶
曾到我們手 以為永遠擁有 浪費了才知不夠永遠擁有
像吃光了那盒藍罐的曲奇 才驟覺 好的時光 最後...
還是從黑暗裡溜走 告別摯愛朋友
臨散去才知 共誰最最親厚 但我想趁最後 還有這溫馨滋味
能讓你分一塊牽走

#誰離開誰連戲 誰人必須執行李 共你都分享過 這年夏季 曲奇的美味
重提起 仍甜美 來年各有各遠足幾百萬里 願記憶成為營養 倦了補充你力氣
(願這曲奇成為你 行過深谷那力氣)

和你吃茶點 那時我最愉快 愉快到未知 經已最尾一塊
直到知道快樂 無法再取之不盡 才學會珍惜第一塊
Repeat #

來日有多幾百樣美點 同樣誘惑你 賣相很精美 然而也代價不菲 沒法比
當時年紀 粗糙也任性 那滋味 那些不必添加 自製的甜美
Repeat #

P.S依刻我有個新的諗法:
Generally,BF解Boy Friend男朋友,
但係我字典裡面係有另一個意思,BF means Best Friend好朋友
`依一世你永遠係我既好朋友`
Friendship FOREVER