端午節

今日係端午節,同我有印象既端年節一樣,都係落雨既,
不過媽咪話今年好似涼左D~真係咩???冇所謂啦!!
反正今日我都係窩係屋企睇"愛到底",
尋日終於比我租成套戲(先頭話未有得租住),
我淨係想睇藍正龍同劉心悠果pair,
我覺得套戲都係係屋企睇好...
下就,同媽咪去好好食野,順路還碟,
好奈冇同媽咪單獨一齊行街,
食完野,係惠康買左上湯龍蝦味既粟一燒,
上次係劉wing屋企食過,
比我發現劉wing媽咪將粟一燒放入雪櫃防變'林',好叻呀~
之後,媽咪仲係OK買左杯新地比我食,香芒味~SWEET♡
番到屋企樓下又撞到大佬,
先頭係大家樂買餐比細佬又撞到佢同果女仔一齊,
不過佢見我地唔到,
媽咪話果女仔好可能係佢女友,
但直覺話我聽:佢地冇咩曖昧既關係,可能只係書友,
不過係我岩定媽咪岩,都冇可能搵出答案,
~大佬一係成日唔見人,一係就1日撞2次,真係奇怪!!
P.S.大佬同細佬係冇直接關係哦~

尋晚12點幾,阿珊打尼問我禮拜六去唔去遊船河,
話係小學同中學gathering,
[但今日我覆短訊推左佢]
跟住冇幾奈,don c.又send左sms尼,
我以為佢想問我出海既事,
點知原來佢根本唔知情,只係悶咋~
尋晚同佢傾左成個鐘,係咁說我今日陪佢,佢冇野做喎~
好心佢快快趣識番果女朋友啦...
咁奈冇同小學同學聯絡,
又係1個鐘頭裡面有成2個自動送上門~

結果今日又冇溫書添(自責中)......
感冒好似好左D啦,喉嚨再冇痛啦,做完運動真係好D喎~

六人行

今日約左Kar,關關,舒霖,劉wing同EVA去又一城溜冰,
原本係諗住約咁大班人去mega ice果邊溜,
因為mega box既大眾今日有8折,
可以同大殷係度買日文書平D,
後來,關關有5張又一城溜冰既半價飛,
就去左果度溜,加上大殷話要執屋唔尼得,原本既意義都冇左囉~
因為KAR要番學校練oral,以為要1點幾左右先走得,
所以為左就佢,就約左2點先溜,
點知佢10點左右就打比我話:走得,
但係佢同EVA,仲有關關都唔同我地(ME,舒霖,劉wing)食LUNCH,
所以就分開2批人,再係又一城會合,
係決定食既地方之前,
我地行左去H&M諗住睇下有冇適合GRAD DIN既衫,
點知有好多都係夏日feel既衫同埋泳衣,
開始有d擔心GRAD DIN著咩衫喇!!
今日晏就個餐又係係SUPER SANDWICHES度食,
依家每次去親SUPER SANDWICHES,
都會諗起alan y.上次點猜輸被迫去個度食~哈哈★
其實我真係好鍾意SUPER SANDWICHES既三文魚扁意粉,
但係我都好驚食得多會厭,下次可以試下劉wing食既西蘭花芝士焗薯,
後尾KAR佢地尼到,原本以為得5張coupons,
點知冇啦啦又多多張,6 in total,唔使6個人share,
ACTUALLY又一城都幾抵玩,可以由12noon溜到5pm,
不過問題係你有冇能力溜足5個鐘!!!
我地2點左右入場,中間有溜冰車整平果地,5點左右走,
真係溜大概只有2個鐘,我發覺我溜1個圈只係需要1分鐘♡咋!!!
而且只係花左25蚊~不過越晏越多人,比較難溜,
基本上大家都開始溜到,除左EVA囉~得佢1個咋...
[比佢見到依度,仲唔比佢打死!!]
溜完真係好'支力',KAR話要去尖沙咀買鋼琴,咁冇同我地番去,
原本EVA仲話去沙田,但最後都冇去......
大家係火車度一路傾到番大埔,
仲係度扮"謎"既羅蘭講果d野,
such like:WELL WELL WELL,AMAZING...
全部最尾個字調高果KEY呃~真係笑死!!

係溜冰場影既大合照~淨係得依1張咋!!!
☆LUV YOU ALL,MY FDS

原本今朝起身果陣,真係幾唔舒服,
想推左今日既約會,
但一諗到難得今日咁齊人,都係走去,
雖然話咁齊人,但始終爭哲哲1個~佢要打工喎!!!好奈冇見LA~
我既補習工作幾時先開始呀???好無聊呃~依家既生活

半日遊@沙田

今日過左好簡單既1日,又可以話好無聊既,
今日訓到好晏~結果都係冇返學校練oral,
一打比d人,先知原本冇麥邊個返,
可能大家尋日都練個得累,諗住休息日再番啦~cause我都係,
留係屋企,一日到黑都係係電腦邊,玩facebook都玩到有膩,
點似劉wing幾經辛苦追完一套動畫,又追過第二套,
真係服左佢,遲早變宅女!!(話唔定宜家已經係~哈哈!!!)

跟住梳洗完之後,就決定一個人行下沙田,好奈都冇出過去喇!!
自從唔使補習,都冇咩藉口比自己出去,
所以連關關第一次主動約我:去踩單車,
我都拒絕左!!!!其實仲因為天氣既關係,好熱呀~
之後到左沙田,首先就落左citysuper度諗住買士多啤梨大幅,
點知搵尼搵去都冇,可能係季節限定掛~我都冇問果店員,冇得食添~
THEN alan y.打尼,話一田依家大減價,
叫我千祈唔好過去同師奶迫,
btw,我都係過左去,諗住去行下無印同埋食比alan講中既串燒,
其實都唔係佢講咁嚴重,起碼都行到,同旺角差唔多,慣啦~
好多野都有折,就連hyoma都有,但都係搵唔到心頭好,
跟住過左玩具部,超多野好平,
但好多都唔係新貨,而且要掉排好長龍~
不過我係SANRIO搵到CK鼠紙袋,即刻買左,
仲要係10蚊2個,抵喇!搵唔到架啦~
上左無印,冇咩新驚喜,冇我鍾意既個款綿花糖,
就買左季節限定既lychee n graphfruit flavour浴鹽同包糖,
梅花flavour冇左囉~
之後我終於瞳睇中左對鞋,係PLAYBOY架!!
想問有冇碼la,點知淨番35碼,
同我平日最少都要著既37碼都差太遠喇~
[後尾劉wing話可能佢既碼係大D呢,做咩唔試下...]
果時我一知道唔岩,都再冇心機睇落去,
我發覺呢~越係得唔到既野就最想要,
人既心態就係咁~可能得我咋!!
基於好多野都睇唔岩,今日都冇點大出血,
反而用係冇無謂野多,例如食野啦......
番尼仲係STARBUCK買左杯星冰樂,
次次都係同一款,BUT每次果staff問我要唔要試下咩莓個款,
仲有呀~SECOND TIME啦!!!
我要走CREAM,都係要落CREAM,
頂唔順啦!!吾最憎食CREAM架嘛!!!!!!!!!!!!!!

今日唔知點解遇到好多小學同學,
曾明欣啦,LISA啦,袁柏儀啦,(初初唔記得佢個名,唔知有冇打錯添)
仲有羅佩欣,同埋阿晴,←依2個就唔係,
係阿晴口中仲打聽到寶儀6月尾先番,
好掛住你呀!!

聽朝約左劉wing食早餐,準時!準時!(remind myself ONLY)
上次食左中餐,今次要食番西餐喎,係大家樂食,
聽日LUNCH就約左陳老師,
考CE之前話要講請佢食飯,佢就代完課,唔可以言而無信,
thus聽日就唔可以同d fds食lunch lu,
聽日仲叫左alan一齊番學校練ORAL,希望佢知醒啦~
禮拜一考喇!準備下啦!!!ALAN YIP!!!

♥ORAL PRACTISE♥

尋日打左d野,點知冇save到,冇哂~
仲諗住唔好咁口語化打blog,anyway,一切保持現狀...

今朝約左劉wing食早餐(食皮蛋瘦肉粥),遲到左,
依排成日都遲到[失敗!!!],
食完粥之後,番左學校練中文oral,
被門口果看更磨左陣,要check體溫,一個字"煩",
上到hall底,已經齊人,MS WONG叫我地聽先,
下次discuss先輪到我地,
點知差唔多開始,MS WONG竟然叫我discuss埋一份,
只不過...我其實只係睇左下題目,諗左下點發展,
結果佢叫我用佢岩岩mark d NOTES,
finally我係最高level:4等,
仲有好好多野要改,跟住又聽左同評論左1 group,
而再之後MS袁尼,比左先考果d練,
得我同關關,大殷,嚴子係隔離聽,
actually我冇好認真聽,我只係度睇戀空下集(剛開始),
完之後MS袁問我意見,都冇咩COMMENTs比到,
之後唔知邊個話練朗讀,我冇得練discussion,
跟住大殷話MS WONG又番尼,
我米脫離MS袁度,向MS WONG個邊投懷(冇送抱,哈哈~),
MS WONG仲請食雪條添~
之後開始換左個方式準備,
攤哂大家既底牌出尼,先慢慢拆條題目,
到一有問題既時候,就停左尼講,咁樣PREPARE N DISCUSS都學到野,
以後遇到咁既情況都知點做呃~
幾經"歷練",火候都仲差D,
完左上番去,MS袁走左,淨番KAR同舒霖,
諗住去食晏,最後都走左去約d英文老師練ENG ORAL,
我搵左MS LUI,約左8/6 8:30練,
佢叫我地練到差唔多先搵佢比COMMENTS,
MS LUI好好人,唔mind其他班既人join我地,
仲幫我地book左我班房,
之後想食steak,要去紅樹林,KAR話唔好,我都冇妥協,
關關同舒霖跟KAR食,
我地就分左2派,只有我同劉wing去食,
如果劉wing跟KAR食,
可能我就會自己買麥記番屋企玩facebook囉~

P.S.依排超級超級沉迷玩facebook裡面既Restaurant City同Happy Farm,超誇張滴,初初講比哲哲同劉wing聽,佢地仲以為我真係種d真既植物囉~哈哈!!!!

今日始終唔記得還番個收音機比魚旦泉,keep左幾耐,
ALSO,聽日都唔知仲番唔番學校練ORAL好,
好似早左d練囉~而且聽日上"翻生侏羅館2",期待既新片之一!!!


懶左幾日,我會慢慢打番前幾日既野出尼架啦♥

AGAIN AGAIN

尋日亦有番學校,點知HEA多,都冇練過oral,
因為唔夠膽跟c班既人一齊練,仲走去玩"吊頸",
11點幾就走左,去左JUSCO個邊,
諗住去"和民"食晏同拎form見工,
雖然佢好似require日語能力,
but still我都搵埋劉wing一齊,
不過佢12點先開,就係附近兜下先,
好多鋪都未開,我就去小蜜蜂度夾糖,都唔知有幾奈冇夾過~

到左和民,就叫左果個set lunch,加個pizza,
pizza尼先,仲有個生菜salad配芝麻汁,
但我同劉wing都唔多'好'生既生菜囉~擺左係度就冇食

個set lunch有個豬扒飯(冇影低)同埋剌身冷麵,咁我就係食後者既,
尼果時我好驚訝:果麵竟然有冰係裡面,
初初果麵都好okay,點知越食越辣,終於都頂唔順...
我仲當左三文魚粒係蕃茄粒添囉~
咁果度有顧客意見表寫,要寫名啦~
劉wing果傻婆就聽左PUI 2講話真係有人叫劉龍(流濃),
就填左"劉龍"落去,但我話都唔似女仔名,諗住後面加多個字,
果陣我淨係諗到"龍一",佢就話"龍兒"好d,
以後叫劉wing做龍兒啦~HAHA,
係席間,劉wing忽然話想去溜冰~其實我都想,
所以就打比大殷睇下佢去唔去,因為佢就識溜呃嘛~
而且我原本已經約左佢去尖沙咀報日文班,最後佢都ok左!!

去到SHIN EDUCATION,發現變左好多,
唔係地方變左,只係人同氣氛都冇以前安心既feel,
大殷決定take基礎PART 3,而我決定retake依個PART 4,
雖然已經讀哂基礎,但都需要take個test,
算啦~當鞏固基礎啦,之後再升level 3啦!!
我同大殷上既班唔同,好難上同既class n time,
btw,大家仍然好想,
不過大家同樣約左一齊1/6 2pm test,
欸!!又要溫書啦,好奈冇掂過日文,要追番啦~

THEN,mega box again,
唔知點解大家都想去mega ice度溜,
我地趕到個時,果節岩岩開始左15分鐘,換埋鞋都係溜得45分鐘,
第2次尼~今次唔係好順,不過都冇跌過,"安全第一",
雖然大殷識溜,不過練新式跌過,比劉wing亦拉跌過,
不過佢好勁,識向後溜,佢教我盡量扭pat溜,我仲未練成,
劉wing仍然係新手,跌左n times,唔記得喇~
溜完諗住去食大殷話有40款cakes既地方食cake,
不過好似執左,
劉wing就一心想去好多扭蛋個度睇,不過同樣冇咩新野扭,
跟住,諗住再睇下邊度食tea,
竟然發現有貼紙相既地方,最近已經影左2次啦~again again
我地最後揀左依架↓

都係係貼紙相機度影既:

果朵玫瑰花好靚~

:HOTCAKE:

係我地整緊貼紙相陣,大殷可能比人追番屋企,
去左賣土耳其雪糕既Medo買ice cream,都冇理我地,
thereafter上MEGA BOX專車番地鐵站,
但大殷食緊雪糕,唔比上車,
佢就話行番上德幅,行AROUND 15左分鐘終於到,
不過撞正放工時間,好多人呃~
之後係地鐵站某店買左4 pcs冬甩,尋晚只係食左2個,

劉wing就買左個puff,
大殷好似要7pm前back home,佢好似好心急,
十足"現代版灰姑娘",haha
番到大埔都7點多,好口渴,諗住同劉wing飲杯野,
點知佢又趕住番去,
結果我去麥記買左杯"雪碧菠蘿特飲",
用果張買一送一卡,送左2個蘋果派,但我唔食既,我細佬搞掂,
買左張卡不過用左2-3次,有d後悔添~冇咩用!!