愛上白色:白色怪:

最近唔知點解硬係覺得凡係白色既野都好靚,
尋日同阿妹走左出去旺角,就買左個白色背囊番尼,
與其話覺得靚,不如話係覺得好特別,總之我都好鍾意...
依個係日本牌子Operations(係香港好似幾出名,無掂留意),
見佢做緊promote,就買左喇,

個sales話依個白色仲係別注版添呀~仲有隻黑色,
不過我見阿妹先頭買係BGW買左個黑色~就費時喇,
加上依個係漆皮面,無咁易污糟,就唔怕啦~
原本我係BGW睇中左個dot柄架,先頭已經無哂貨,依排又番返,
我好想買架~點知媽咪reject左,
無計!唔可以逆佢意,先迫住放棄炸...嗚~嗚
講番我果個背囊先,
早排見到淨係得個黑色別注版,
如果要白色就只可以買無膠面果款囉,但如果我買果款,
我肯定1個禮物拜內,我一定會整污糟佢
(亦係我媽咪反對我買個果個dot柄果款背囊既原因之一,
因為果款又係白底黑dot,而且係布製囉),
好在買到依款炸~(慶幸中)

P.S.我同阿妹仲買左頸巾添,我要左粉紅色,阿妹要左藍色,
咁佢做緊買二送一優惠喎[後尾先知都係買貴左],
就要多左條紅色(好有聖誕feel),三條都係格仔款
~第一次買野係買左超過2件同款但唔同色既野...

點解我話我愛上左白色呢??
原本都無咁強烈既感覺,但依排我發覺我生活中好多野都係白色囉~
我成個衣櫃最多ge就係白色衫,部DC係白色,背囊白色既...
就連我儲緊錢買果部即影即有既相機,我都鎖定係白色架
[努力!加油!依家已經儲左兩三百蚊,距離$450好近呃,我要係聖誕前買到]

周年紀念版~等我呃!!!!!
係我既生活中佔個得最多既~恐怕都係白色同粉紅色之爭(兩隻色我都鍾意),
其次就係灰色同黑色喇,
講到尾,我最鍾意既顏色其實係彩色,因為咩色都有齊,又有漸變感,
好貪心咁~不過人就係咁,永遠都係得一想二,想要更多更多,
係唔識滿足既動物,貪心本來就係人之常情,唔係咩?
"樂天知命"依4個字幾時先學得識呀......

post下其他相,冇咩特別,唔詳細講喇~

係信和見到Rainie既新碟<半熟宣言>既1張巨型poster(一個字:大)
原本想走埋去影張"合照",不過實在太多人,唔夠膽,
新碟D歌都好好聽,最鍾意係'帶我去'(第一主打),
'幸福的節拍'(但開頭感覺好卓文萱既feel),'女生我最大'(係首快歌),
同埋'在你懷裡的微笑',終於覺得楊丞琳變番最初既楊丞琳喇!!!


某日同哲哲係學校見到既一舊雲
我第一個感覺覺得好似龍捲風,但哲哲覺得似羽毛,後尾又覺得似翼,
終於到最後佢都講到我心目中諗既龍捲風,唔知你地覺得似咩呢??
最近唔知點解好鍾意影天空,天既變化真係好大,而且好靚,
そらが大好です~



64影既2個靚女,好無聊ar~

過幾日有時間再post D先前劏牛眼,禮拜五去搵Art materials既經歷la...

5D Maths Common Test Result 大預言
阿Jenn超高分,勁!差條mc就岩哂,38.5分,
阿Rain大概34-35分,哲哲得22分,唔高分,但合格~都好喇,
我點解知??預言家呀嘛!!
講笑咋!!!!我只係見到64改卷,睇到咋,
64叫我唔好講,但我都爆左俾哲哲同Simon聽,
但只係講左阿Jenn果分同哲哲果分既range,64唔好怪我ar,
FORGIVE ME,PLZ
老實講,我驚我會肥佬呀,要再俾d心機
[就算平日d test幾好,去到C.T.硬係會衰],
----------自我安慰中----------

麥記:慘痛經歷

超奈冇update依度喇~開學到依家勁多test,
仲要係越尼越多,真係頭啖氣到唔得,
好似Art~上一份水墨都未搞掂,
依個禮拜五就話要交另一份model!!我就尼死啦Orz...

:麥記:
今日約左鴨龍同家傑去食麥記,
諗住換埋小丸子果爺爺,咁暫時四個我都有齊,
為集齊一套既大業,我要繼續向野口同學出發!!!
如果儲得成,小丸子將會係我第一套麥記開心樂園餐玩具,哈哈!!
講番今日呃~原本係同佢地兩個去,
但係小息搵唔到劉wing問佢去唔去,
所以鴨龍同家傑佢地兩個就行先,我就等埋劉wing先,
點知廖慧晶遲遲都唔放人,到劉wing走得既時候,又要等埋關關,
雖然明知佢地2個唔想去麥記,但係我都拉佢地去,
等佢地去買完中包同西包拎去麥當當食,
一直以為淨係得鴨龍同家傑,點知去到就見到賴沛德,朱精,英麗同埋佩儀,
試問咁既情況之下點叫劉wing同關關同佢地一齊食,
迫於無奈唯有放佢地返去,我就留低繼續食,
(好在我識得打電話叫家傑幫我買野食,坐低就有得食,如果唔係就有排排)
我都知我對唔住關關同劉wing,果然真係有"報應"...
食到差唔多既時候,朱精佢地興起要玩野,
話邊個猜輸左,就要同果執野呀嬸講咩埋單,話咩嘟八達通儲積分...
原本民主投票係鴨龍要講囉~後尾就話要猜,
第一次猜諗住要逃過一劫,點知原來有人出剪,要再猜過,
第二次我出包,有2個出剪,我完全sense唔到出包既要繼續猜,
到sense到既時候,大家出哂,咁我就"大穫"啦~
佢地要我同果阿嬸講,大佬~點講呀!!!
如果唔講,就要飲左佢地溝既野,
個杯野有草莓味奶昔,茄汁,辣椒醬,麥樂雞醬,燒烤醬,
鹽,冰,芬達橙汁,可樂,少少奶茶...救命~超變態!!!
到我肯講,但個阿嬸死都唔過尼,死人鴨龍仲嫌我唔夠慘,俾成排人迫,
佢話叫我同後面果張抬-第二間學校既男仔講,衰人!!衰人!!
最後朱精自己飲左啖果杯野,話幫我壯膽,
佢仲話OK,d味都唔差,佢真係變態架!!
我飲左啖都想嘔喇~初頭都無咩,係奶昔味,
點知茄汁味呀,其他味慢慢慘出來,
我飲番d可樂先清咁d味,學鴨龍話齋真係齒唊留香,
佢地仲要我飲半杯,我真係采佢地都傻,
我發誓我以後都唔要同佢地一齊食飯,尤其係食麥當當,個個都癲癲地,
之後佢地拎杯野番去呃班男仔飲,
飛釘同廷峰都中招,廷峰仲要即刻嘔出尼,搞到成地都係~超核突!!!

:Visual Art:
同你地講個天大既喜訊~經過差唔多成個月既努力,
浪費成13張既第一版(板畫),
我終於係第14張整到份我滿意既第二版板畫,
只可惜成塊膠板已經被五馬分屍,依就係屍首(見圖)
-Before-
-After-
我總共印左18張第一版,仲有4張係屋企留念,
其實原本只係諗住留2張,
其餘就印哂佢,揀張滿意又無印歪到既,
只可惜最後果兩張搵唔到岩既色印,就決定唔印囉!!
因為唔知考評局俾唔俾post D作品相出尼,所以......

:映画:
超想睇"畫皮"呃,上個禮拜已經講緊~但都無時間,
如果俾我今個禮拜睇到,咁真係thanks GOD,
除此之外,我仲想睇"High School Musical 3",

但一定先以畫皮作1st choice,
張靚穎唱果首主題曲"畫心",真係超爆好聽,
雖然睇果預告片時,周迅撕開個臉皮既時候好恐怖,
但係佢都係撕一次遮,把心一橫睇左先算la,
而High School我呀妹都話想睇,無錯係有陪,
不過都要睇時間,無時間就冇得傾啦~
PS. Eva話High School要由頭睇到落尾,如果唔係就唔知講咩喎!!

:無聊話:
不論係屋企人,就連d FD都話我拎依住部相機係咁影,咩都影一餐好無聊,
有時候我都覺,不過我覺得咁同打blog一樣無聊,
我大部分影既相不係放係度,就係做art既reference,
打blog有時都幾無聊,幾煩,但都算係生活既一d點滴記錄,
睇番既時候,就知道自己曾經做過咩呃,
加上我係一個善忘既人,第二朝可以完全記唔起尋日食過咩,做過咩~

19-20.09.2008

Farewell,哥哥
哥哥你真係走左喇~尋晚先話俾我聽,佢今朝搭8:45個班機,
可惜我要補習,送唔到佢機,同一時間呀...
我地用msn傾左成晚我,佢話佢要出年6月先番,
其實自7月見過佢之後,都無約過出來見面,
我諗我有時都會諗起佢,佢應承我:大家會保持聯絡,
都唔知佢果邊用唔用得msn,如果得就可以用視像通訊,
閒番唔少長途電話費喇!!!
咁要記得買headphone~ IMPORTANT,記住呀(提醒自己),
今朝我一起身就send左個短訊俾佢,
大概8:40佢覆返我,點知我8:48先睇到,足足遲左8分鐘,
唔知我再send果個短訊,佢睇唔睇到呢~
我以為經歷過咁多次同Bo Yee既離離合合,
[同一個地方--英國,同樣係好朋友,只係唔同人唧~]
點知當佢話俾我聽佢要入閘啦,
我個心有d酸,好似好唔捨得,
不過我諗只要過多一排,我應該會習慣架喇,
佢仲話聖誕應該唔會番,咁好~唯一郵遞份聖誕禮物俾佢,
我諗依家哥哥佢差唔多到英國喇,
搭飛機好似話要13個鐘,由8點幾到依家差唔多喇,
係度再次希望你take care,唔好捱壞自己身體呀~
努力加油!!我會掛住你,你番來要搵我呃!!!!


Happy B-DAY to Chit Chit
今日係哲哲既生日,
恭祝你福壽與天齊,慶賀你生辰快樂,
お誕生日おめでとうございます,
哲哲,今年你生日係假日,唯有尋日(FRI)同你慶祝,
但係我地幾個(I,Eva,Kwan Kwan,Lau Wing)又趕住番學校補課,
攪到尋日既慶祝都唔似慶祝,對唔住呀,況且Kar又唔係度,
我同劉wing傾過,一於禮拜一再食過餐飯,保證唔會再咁趕,
唔知我同劉wing送俾你份禮物,你鍾唔鍾意呢,
尋日你話你估到我地送咩俾你,
早知我就唔買史迪仔喇,買狗仔既schedule book算,
反正你又咁鍾意狗,俾你估到就無哂surprise,
枉我仲咁俾心機去揀啦......
可以說話係懶,又可以話係特登:今日先post你份生日禮物d相出來,

[靚靚CK鼠禮物袋]哲哲竟然話又係依個袋,難得我仲有存貨係度ar~]

[史迪仔既Schedule Book加2009年曆]

[真係要用呀~哲哲]
我今日show D相俾我表妹睇,佢不知幾羨慕,佢又係好鍾意史迪仔架~

Happy Birthday to Zoe Tsang (too)
依個禮拜實在太多人生日喇,尋日就係姐姐,今日就你係哲哲,
早幾日就係素儀,同你講多次"生日快樂"喇~
多謝你件生日蛋糕ar,不過果日我真係食得好飽,
食埋件蛋糕,真係飽到飛起,但係食蛋糕竟然無叉囉!!!
好奇怪囉!!我唔鍾意食有忌廉既蛋糕,但果日果個我又接受到,
大班餅真係好d???仲有對唔住呀~
我又無送你生日咭或者係生日禮物俾你,你竟然又請我食生日蛋糕[好內咎添~]


"生日快樂"個'樂'字寫得好靚,好羨慕你有班咁窩心既朋友呀...

嚴子送既生日卡,有熊貓呀>v<

Today
今朝出門口既時候,又撞到我個小學同學--張曉晴(應該冇打錯名掛)
尋日補課後,又係撞到佢,仲一齊番屋企,
講真呃~佢個樣又係一D都無變,可能係大家住埋同一棟大廈,
見多,接觸多,唔覺變左,
若果係幼稚園同學,未必認得出~

無心．無意

這是剛才我無意間闖進人家的網誌看到的,把它轉載過來~在此先說聲抱歉[未經原作者批准]

-------------------------------------------------------------------------------------------------------------------
這是一個故事
據說是一個一個女生看了會哭，男生會沉默的故事

有那麽一對情侶。女孩很漂亮，非常善解人意，偶爾時不時出些壞點子耍耍男孩，男孩很聰明，也很懂事，最主要的一點。幽默感很強，總能在2個人相處中找到可以逗女孩發笑的方式。女孩很喜歡男孩這種樂天派的心情。

他們一直相處不錯，女孩對男孩的感覺，淡淡的，說男孩像自己的親人。

男孩對女孩愛甚深，非常非常在乎她，所以每當吵架的時候，男孩都會說是自己不好，自己的錯。即使有時候真的不怪他的時候，他也這麽說，他不想讓女孩生氣。

就這樣過了5年，男孩仍然非常愛女孩，像當初一樣。

有一個周末，女孩出門辦事，男孩本來打算去找女孩，但是一聽說她有事，就打消了這個念頭。他在家裏呆了一天，他沒有聯繫女孩，他覺得女孩一直在忙,自己不好去打擾他。

誰知女孩在忙的時候，還想著男孩，可是一天沒有接到男孩的消息，她很生氣。晚上回家後，發了條資訊給男孩，話說得很重，甚至提到了分手。當時是晚上12點。

男孩心急如焚，打女孩手機，連續打了3次,都給掛斷了。打家裏電話沒人接，猜想是女孩把電話線拔了。男孩抓起衣服就出門了，他要去女孩家。當時是12點25。

女孩在12點40的時候又接到了男孩的電話，從手機打來的，她又給掛斷了。

一夜無話，男孩沒有再給女孩打電話。

第2天，女孩接到男孩母親的電話，電話那邊聲淚俱下。男孩昨晚出了車禍。警方說是車速過快導致刹車不急，撞到了一輛壞在半路的大貨車。救護車到的時候，人已經不行了。

女孩心痛到哭不出來，可是再後悔也沒有用了。她只能從點滴的回憶中來懷念男孩帶給她的歡樂和幸福。

女孩強忍悲痛來到了事故車停車場，她想看看男孩呆過的最後的地方。車已經撞得完全不成樣子。方向盤上，儀錶盤上，還沾有男孩的血跡。

男孩的母親把男孩當時身上的遺物給了女孩，錢包，手錶，還有那部沾滿了男孩鮮血的手機。女孩翻開錢包，裏面有她的照片，血漬浸透了大半張。

當女孩拿起男孩的手錶的時候，赫然發現，手錶的指標停在12點35分附近。

女孩瞬間明白了，男孩在出事後還用最後一絲力氣給她打電話，而她自己卻因爲還在賭氣沒有接。男孩再也沒有力氣去撥第2遍電話了，他帶著對女孩的無限眷戀和內疚走了。

女孩永遠不知道，男孩想和她說的最後一句話是什麽。女孩也明白，不會再有人會比這個男孩，更愛她了！
　　

愛上一個人的7個預兆
1.當你正在忙時，卻把手機開著，等著她/他的短信..你已經愛上她/他了
2.如果你喜歡和她/他兩個人單獨漫步..你已經愛上她/他了
3.當你和她/他在一起時，你會假裝不注意他，但是當她離/他開你的視線時，你會急著尋找她/他...你已經愛上她了
4.當她/他受傷或生病時，你會很關心她，替她/他著急..你已經愛上他了
5.當她/他和別人要好時，你會感到吃不知其味...你已經愛上她了
6.當你看到她/他那甜美的笑時，你的嘴角會揚起一絲得意的笑..你已經愛上她/他了......
7.當你看到這篇文章時，心裏想到某個人
-------------------------------------------------------------------------------------------------------------------

看到這篇故事時,我發覺原來我也只是一個普通不過的女生,可..我並沒有哭,也沒有這麼的衝動,大概只是感歎人生中少不免有遺憾,要是一直在乎,那只會久久不能忘卻,繼續深深烙印在其心底
說自己是一般的女生...也許是這樣戲劇式的愛情,我從來沒妄想會發生在現實當中~降臨有在本小姐身上,但在這一刻,我心頭漸漸泛起一絲絲的憧憬,就算只有0.1%的機會也不錯吧!!

失眠(1st time)

05:XX A.M.
久久未能入睡,一直待...待到零晨五點多,
仍然輾轉反側(在床),精神得很,
看著夜空開始光起來,由深藍..到海藍...一直慢慢的淡下去....
天空出現那樣漸變色的藍果真美得很,
[說真的~確是沒有任何一種顏色能及天然的顏色]
天終於光起來,一絲絲的白光攝入眼簾,
見證夜空進入清晨,可..街上仍是空無一人.....
隨著爸爸平日起床的時候漸近,我也必須緊閉眼簾裝睡,
可是由裝睡~變成真的入睡,
不過每隔一小時就被人不經意弄醒,
十二點多終於忍不住~醒來了(還睡不夠六小時呀),
但我仍處於眼睏的狀態下,
整天我並沒有上街,只是憋在家~完成了一份閱讀報告而已,
還有一大把暑期功課~等著我!!

P.S.這是我頭回以書面語寫網誌,請多多包涵~

[FRI-ENDs]

今日同哲哲補完習返黎,
係OK便利店無啦啦被人拍膊頭,
嚇左一嚇,原來係撞到個"老朋友",哈~哈!!
其實係個小學同學,不過講話係老朋友,舊同學,
好似大個d,我同佢(張X宏)都係上年小學同學聚會食飯個陣先見番,
頭先我地交換左手提電話,轉頭就打黎問我個msn,
不過我無同佢講我個msn係長期唔online果炸黎,ha ha~
佢仲話我個msn address好奇怪囉,
嘜個address一定要同自己個英文名或者關於自己既野咩??
咁同一般人個msn有咩分別,
佢"拉"住我傾左差唔多成半個鐘,
佢真係好似無野做,好得閒,好悶[雖然我都係~],
佢又'了'我去跑步,去操fit d,
佢同以前一樣都係好運動型,
聽講佢仲係個標槍能手,仲擺拎過學界冠軍,
[勁人 !!讚你一次咁大把啦~]
佢仲送到我屋企樓下至返屋企(注意:佢屋企離我屋企只係一路之隔)
講真喎~識佢咁奈,佢都係第一次送我返屋企,
送Bo Yee反而有幾次,我印象中at least都有一次,
米就係個次BBQ lor~

其實除左依個舊同學之外,我仲撞到另一個舊同學(詩婷),
就係我出去補習個陣,我叫佢,佢仲愣有左陣,
好似唔係好認得我,
不過幾得意呃~出去又撞到件,返來又撞到件,
一日之內撞到2個舊同學~好難得呀!!!!

今日仲有件瘀事就係出去補習個時,我同樓下個看更打招呼,
我竟然同佢講"早晨",
救命~個陣已經差唔多成5點(下晝)喇!!!
我竟然講"早晨",好傻呀!!!癲左喇~
今次仲唔係第一次添喇,好似係第二次啦,重要係同同一個看更AR,
我肯定個看更叔叔當我傻LA,好瘀添!!無面見人....
不過原來今日哲哲都有件瘀事,
相比起黎,我個件真係小毛見大巫,
不過未征詢佢本人,唔係咁好透露人地d私隱,都係保密先好~保密...

再次迷上~L

岩岩睇完<< L之終章-最後的23天 >>,
又再一次迷上L,迷上松山研一ar,真係好靚仔呀!!!
好鍾意-好鍾意-佢~型到爆呀!!!!一個字--"正"~
頭先同阿妹係屋企睇睇下,無啦啦我表妹打黎~
話點解我唔提佢今日係放假,唔使返日文班...
跟住我叫佢唔好煩住我-睇緊L,
佢仲串我依家仲睇緊L,
無錯~先頭話睇好奈,依家先黎睇,
出左DVD同VCD都唔知係n年之前既事la,
個時唔係話唔得閒:要溫書..要做其他野...
先拖到依家~不過睇到完L之後,好滿足呃!!
仲搞到我有d心思思想買個figure返屋企,
最慘一個書展搞到我財政緊拙,無嘜錢剩,
要等多排爸b出糧先得~否則動漫節我一定會去買ga~

講起動漫節就激氣啦~
個果劉wing話同wing wing,欣樺去,被人賣甩喇!!
好唔開心lor~我阿妹又話同佢班fd去,
咁又係既~佢地班人係去追星,要去睇黑澀會美眉,
都唔岩我既,但我又好想去睇下,可能跟埋我阿妹去個邊la,
但得我自己一個睇好悶家嘛~
唯有睇下我表妹肯唔肯同埋我去,咁我就有個'陪',
但我表妹都有可能又去睇黑澀會美眉,
佢又係'好'個d台灣明星,
不過如果我係去,我會揀開幕個日-即係08月01日同我阿妹一齊去,
主要原因係想見小克,過左就再無咩興趣去lu
01/08個日小克同另外個d插畫家,漫畫家...一齊搞簽名會,
因為佢地既作品集成左一本叫"漫漫食"既書,
好似John Ho(另1個我頗鍾意既畫家),楊學德,智海..等等等都會去,
我去動漫第另一個既目的加目標,
當然就係Hobby館ge 士多啤梨USB鍊,
我仲諗緊買邊款ar,俾d意見呃~邊款好呀..好難揀






仲有添呀~差d唔記得MIMO,不過多數都係"睇"架喇,
而且實在太多款,我根本無咁既實力*儲得哂~
[*所謂既實力即係指財力囉~算把啦~]

:甜品工房:

今朝9點幾就起左身,係自覺既,好難得...
放暑假咁奈,好少冇人叫,就咁早起身,
不過擦完牙洗完面之後,轉過頭又訓著左喇~
訓到12點左右先起身->
跟住去沖涼(暑假習慣左咁早沖涼~沖完涼先出街)->
同阿妹去珍寶食{早餐加午餐}~混合版->
陪左媽咪去買菜->
[有腐乳炒通菜,日式饅魚,龍蝦麵(齋黎~),煎雞翼...我同我表哥既最愛~好飽ar]
2點幾就去左補習...補完~大概4點就撞到Simon So(佢又係去補習)->

then去左大埔游泳池,好奈冇去過依個地方~久違..久違...
但千祈唔好以為我係去游水,
我只係陪我...細佬去游水,
佢報左游泳班,今日已經第8堂,游完聽日同後日就完,
游左成個禮拜,我都係第1次陪佢黎,
但今次黎依度既主要目的並唔係為左陪佢,
我特登過黎依邊係為左去新開既"甜品工房"食甜品,

大埔依間係佢地第1間分店,
其實佢未開依間之前,係紅碪個間總店,我已經好想好想去幫襯好奈,
但次次去探姨媽都行唔到過個邊,所以一直試唔到個度d甜品,
依家佢係大埔開左間,以後去幫襯就方便得多喇~
唔知點解最近好似好多間係市區ok出名既甜品鋪都進駐大埔,好似滿記...喇~
我諗大埔既地頭蛇--RAINBOW彩虹屋一定大受打擊~好大威脅喇!!!
嘜大埔個market好大既咩???好多問號呀~

講番今日我同阿妹,媽咪係"甜品工房"食左d咩......
[細佬入左去游水,賣甩佢...HA HA]
我叫左"宇治金時",

裡面係綠茶味既刨冰,

配搭左日式紅豆同埋小丸子(同許留山個d差唔多),煙煙un un~

面頭再加左2塊自製既紅豆雲哩拿雪糕,
原本我係想試個果"鮮果拉麵",
但後尾經過一輪爭扎,
就揀左依個傳統日式甜品--"宇治金時",
我仲有好多野想試,such like櫻之初夏,木糠布甸,大菜糕(我兒時既美好回憶,
讀幼兒園時最愛既茶點就係~廚師叔叔整既蛋花大菜糕)...好多~不能盡錄,
下次就試左果"鮮果拉麵"先~逐樣逐樣黎,
而阿妹就叫左個"紫葡之戀",

係巨峰味既刨冰,

再加左提子同埋面頭個d細細粒既紫葡萄,
有卜卜既口感,有小小似蟹子,超好食(o-i-shi-i)~俾5粒星!!!
我覺得"宇治金時"d刨冰,綠茶味重左d,
相對黎講,我鍾意阿妹個"紫葡之戀"果多d,

媽咪就叫左"日式紅荳豆腐花",
OK既,媽咪就略嫌甜左D,
我都接受到,我覺得幾似紅荳冰ga,
原本媽咪有想食個"清心丸綠荳爽",但只有熱食,當堂無哂癮~HOT!!!
大概食左半個鐘到,就埋單,仲送左成3個環保袋俾我地~~

依個就係甜品工房(大埔店)既地址:
有機會去試下La......

之後就返番游泳池個觀看台睇細佬,
其實今日個果天氣都唔算好熱,又一d都唔曬,
個太陽俾d雲遮住,泳池又唔係話好多人,早知就拎埋泳衣游返陣LA~


SEE YOU

A Black Wednesday (Not Yet Finished)

今日基本上全日都係Art Room度過,我係個度做版畫,
因為雕唔哂塊版(係今日Art補課之前),
應該要返屋企做,但我淨係雕左d就走左去訓,
~真後悔尋晚點解唔早雕塊版...
今朝返去補課,Ms Chu就話未雕好版就要快雕好去,
今日之內一定要印好第1版,好明顯我就做唔切喇~係今日補課完之前
最慘係Ms Chu話落去搵佢班細路上黎Art Room執頭執尾,
"叫我地小心,尤其是我地雕緊版既人,小心雕親手,
有咩事...雕親手呀...咩~落去搵佢,
點不知轉過頭(都唔知夠唔夠10秒)~無啦啦我就雕親隻食指,
d血爸爸聲咁流落黎,上次已經俾把割刀割親,
我手指d blood仲係咁流,我已經暈過一次,
"我真係真係好怕血!!!好怕痛!!"
今次又係整親手指位,個刻我覺得隻手真係痺咁樣,
好在小玲俾張紙巾我包住隻手(多謝),
但嚴子好衰lor~笑我囉...好衰呀!
佢話我小小野就驚成咁~佢仲話將來我生點算喎...
流血果個又唔係佢,講風涼話,衰人...X100 times,
不過嚴子都有陪我落office度處理果傷口,
但係佢仍然拎依件事做笑話lor,學下佢講"I hate you so much",
但係原來我都唔係最傷囉~有人仲被把雕刀整親,
佢仲勁到可以將d血整到件恤杉背面,
聽佢講佢d血流到成灘血係地...我無親眼見,
你估下佢係邊個???我個班既~
At last,總之都係小接觸刀之類ge物品為妙喇~Be careful...
跟住我成日都係Art Room度雕我塊板,
好在叫做有人陪(嚴子同水母既白馬王子),
我地3個雕左成日都未雕完[慢過隻龜...無計~掛住同人地傾計嘛],
原本仲諗住可以係Ms Chu趕我地走之前做好,
點知Ms Chu趕我地走既時候,我都仲未雕好第1板,
"莫講話印喇"~[羞],俾嚴子講中走之前一定唔會雕好,
所以以佢米慢條絲理咁雕囉~慢功出細貨喎...
結果我地幾個5點幾先走,但成班Art Class既人晨早走左喇(12:15),
我地食完晏就趕返黎,繼續開工,
不過Ms Chu落左去幫班Form 1練朗誦,成4點5點先上黎看我地,
所以點半開始個果幾個鐘,都幾無人管嘛,
我仲溜左出去影相,影個天,個天真係好藍,
到走既時候~果天都好靚,俾你地睇下喇:


To be continued tomorrow~

BORING

依排真係好無聊,係屋企都唔知做咩好,
其實都唔係咁想打blog(見成個月都無打過新blog就知喇),
只係原本今朝要去粉嶺學琴,依家唔使去,就update下個blog,
其實連哲都話我做咩咁奈都唔更新依度...歉疚

其實依排發生好多事,開左篇blog又唔知寫邊樣野好,[好煩ar]
頭都大埋,可能就係因為咁樣,我開始唔係咁鍾意打blog,
最近開左個qooza,有衝動想打日記,
唔知係米覺得好似唔使負責任咁(因為無人知),感覺幾輕鬆,
所以就想打囉~後尾諗下諗下,
硬係覺得好似好對唔住依度,我要打番篇野,真係好對唔住呀~

上個禮拜6同完劉wing同哲去完旺角,晏d會同kar去多次,
佢好似因為教會某d野而要一件得體d既杉,所以就要去旺角一趟,
希望陣間唔好再落雨就好喇~落雨濕濕,黏黏的,好唔舒服ar~
陣間我都要去沙田一趟,
要過大眾拎返張新card同埋要去現代拎經濟科章程,
好掛住西田(呃~改左名叫"一田")個間食pancake同串燒,
超級好味~俾足5粒星AR...

依家睇緊有線既"峰生水起精讀班"掌相篇,
先前教我魔術的阿sir-張政(係節目裡面叫魔術師),
做左蘇民峰既弟子,
睇左幾集佢表現好好呀,又無咩出錯,又中好多pt,
應該點都唔輪到佢被人淘汰喇~繼續支持...佢,
好想快d到form. 5可以繼續去學魔術LA~
岩岩做完"峰生水起精讀班"掌相篇,
呃~搞錯呀~foul走魔術師,有冇搞錯呀!!!!
佢地竟然foul走我阿sir,表現差到貼地ge又唔foul佢走,
都唔知係米有d咩利益輸送既,
講咩學習能力只係次要,人格先至重要,
佢(蘇XX)係米擔心阿sir太勁呀~
總之憎死個節目,憎死蘇民峰,
我決定罷睇"峰生水起精讀班"掌相篇,唔睇ar,唔睇ar...

前個排我閉關修煉準備考試,上個禮拜5同今個禮拜1,2都派左卷,
總成績基本出哂黎,連英文份course work分早兩日都問埋,
成績點都好都過左去la,無論點都改變唔到(including喊),
thus再努力la,經過依一年點都睇化左,
若果對成績太過執著只會令我更加唔開心,振作呀!!!
黎緊又有超多補課,又有好多野未完成,一字記之曰"煩",

7月頭日文班就完喇,即表示要講"掰掰",
我要離隊la,好唔捨得班同學ar,我真係唔想放棄,
奈何要同學業兼顧,對我黎講確實好困難,
但為左CE點都要犧牲一下,唯有要係HKCEE完左之後先可以重拾日文喇~

Just lend your helping hand

香港紅十字會捐款方法:
http://www.redcross.org.hk/donationhkrc/chi/person01.htmp
可以在網上捐款選擇"中國賑災及發展項目"

個人捐款
全賴您的支持及捐助，我們能無分國界，更有效地發展香港紅十字會的人道救援工作，為傷病及災困者帶來生命的希望。
單次捐款:
您的慷慨捐助，等同支持本會維護人道精神的服務，
為生命受威脅和處於困境的人奉上一份無價的禮物。
您可選擇以下捐款方法:
-網上捐款
-直接存入銀行賬戶
-信用咭
-劃線支票
-繳費靈
-親身捐款

捐款方法:
‧ 網上捐款
閣下可登入此處，透過伺服器電子證書，以信用卡作即時網上捐款。
該電子證書可提供較高加密通訊協定(SSL128-bit)及認證本會網上捐款網頁之真確性。
‧ 直接存入以下的銀行賬戶，並請寄回入數紙正本及捐款表格。
「香港紅十字會」銀行戶口
匯豐銀行 500-334149-009
恒生銀行 388-553950-001
中國銀行 012-806-00028173
‧ 劃線支票
支票擡頭請寫「香港紅十字會」，請將劃線支票及捐款表格一併寄回本會 。　
‧ 信用咭
請郵寄捐款表格回本會或傳真至2802 0017。
‧ 繳費靈
透過電話或網上使用繳費靈服務捐款，可選擇商戶編號：9167(香港紅十字會)
請緻電2802 0016/ 2802 0021向本會索取捐款人編號。
‧ 親身捐款
香港紅十字會總部地址: 香港夏慤道三十三號香港紅十字會傳訊及資源發展部

捐款總額HK$100或以上可申請扣減稅項。
如有查詢，請緻電與本會職員聯絡。謝謝！
地址 : 香港夏慤道三十三號 香港紅十字會總部
電話 : 2802 0016/ 2802 0021
傳真 : 2802 0017
電郵 : crd@redcross.org.hk

----------------------------------------------------------------------------------
宣明會
你的慷慨捐款，可支持宣明會向四川地震災民提供援助。如欲捐款，可循以下途徑：
網上捐款：可選擇以信用卡即時網上捐款，亦可下載捐款表格，
填妥後傳真至2394 4844 或 2789 4744
直接存入銀行戶口
（請交回存款收據正本並於背頁寫上姓名及聯絡電話，另請自行影印留底。）

捐款戶口
香港：
匯豐銀行 : 018-554444-001
恒生銀行 : 286-364385-003
中國銀行 : 012-883-0-002666-2
澳門：
中國銀行 : (港幣)16-112-000565-9
中國銀行 : (澳門幣)16-012-000434-6

劃線支票：擡頭「香港世界宣明會」 或 “World Vision Hong Kong”
支票請連同個人資料寄回：簡便回郵69號香港世界宣明會。信封面請註明「四川地震援助」
查詢熱線： 香港 (852) 2394 2394
澳門 (853) 2835 2740

----------------------------------------------------------------------------------
聯合國兒童基金會
http://www.unicef.org.hk/docs/new/c/list_detail.php?id=234

四川的災民正活於水深火熱之中，您的捐贈能為他們解決燃眉之急!
請支持聯合國兒童基金會的緊急救援工作!

請立即緻電 2833 6139 或透過網上捐款，
或直接將善款存入以下銀行戶口 :

四川地震救災捐款
匯豐銀行 567-354014-005
中國銀行 012-875-1-081085-5
永隆銀行 020-601-003-7635-2

----------------------------------------------------------------------------------
樂施會 http://www.oxfam.org.hk/public/c ... amp;item%5fid=75959
支持樂施會救援內地地震災民
網上捐款
直接存入戶口
匯豐銀行戶口：HSBC C/A 001-537000-012
中國銀行戶口：BOC C/A 012-874-0010515-7
郵寄支票
支票擡頭請寫「樂施會」，支票背面註明「內地地震」。
繳費靈 (PPS)

終於有得早訓喇~

臨訓前,開左盒蒙牛牛奶...[幫助入睡!!]
細佬又要爭埋一份,
叫我分俾佢,我梗係唔制la...
明明雪櫃仲有一盒家嘛~仲咩要同我分喎

前幾晚都冇覺好訓,每日都唔知有冇4個鐘既睡眠,
今晚無咩特別野搞,終於有得早訓喇(好滿足呀~)

訓啦~唔打喇!!
To be continued~

Listen to 小池徹平

岩岩上左小池既官方網度睇,見到有隻新碟出,叫Fantasy world~
好似係日本有個好大型既遊樂場既主題曲...
試聽之後都覺得幾好聽,

初回限定盤(上)通常盤(下)

限定盤(通常有分兩版-通常盤)仲好似有WaT(小池個隊組合)今年年頭係紅白大賽既片段,
想買呀~但要等到23/04先出,香港仲要例遲幾日先有囉!!
我表哥呀!話買小池佢地最新出個隻"大碟"-WaT Collection俾我,
爭左我好奈喇~係上年份生日禮物尼囉,好過份呀!!
佢話俾我知,佢有搵過大眾囉,但搵唔到喎~
講大話!!!我明明係沙田個間大眾都見到,
由最初話買楊丞琳個隻"任意門",
跟住轉話買張詔涵隻"Ang 5.0",
或者係張敬軒隻精選碟(both都係姓張),
最後先firm實買WaT Collection,
早知就一早臘左佢d錢喇,買完淨番生先俾番佢...(Added:小池好靚仔)

誕生日

總算趕得切(急),可以同Bo Yee係度講聲"生日快樂",
好抱歉既係唔可以親口講聲Happy Birthday,
連SMS都冇俾你,
就唔好講份生日禮物喇(仲未諗到送咩),
咩都冇表示,真係覺得自己好差,好衰...
對唔住呀~對唔住呀!!!
禮拜二個餐...我就請係你食lunch當賠罪啦~sor呀

清明之行(拜山)

番左鄉下2日,岩岩先返黎,好攰呀~成身散哂!!
尋晚我地一家五口係我二姑姐屋企過夜,
佢屋企成千幾二千呎,好大ar,
我姑姐有個3女,最大果個大我1歲,叫雅詩,
尋日見到佢,我真係唔認得佢lor,靚左好多,
真係"女大18變",靚女一個,睇落去唔似大過我1歲囉,
好成熟架佢(定抑或係我樣細呢!哈!哈!)~打扮都幾in下ga...

*不過老實講,我爸B個邊d細路,
我都應該係唔認得ga,始終好奈冇見,又無咩聯絡,
一年都差唔多係清明先返,
而且個個係鄉下度,
唔似我媽咪個邊個個都由細玩到大,
想唔熟都幾難,依個就係"三文魚"(魚生)同"煙三文魚"既分別喇!!!

尋晚食完晚飯之後,去左附近一間幾大型既超級市場行街,
無麥大收獲~淨係買左d紫菜同旺旺囉,
之後返姑姐屋企途中,見到有檔賣粉麵ge,有刀削麵賣,
[有冇食過刀削麵呀~超正!好味...好味!!!]
結果買左兩碗番屋企食,
我好鍾意個種沙嗲牛肉味,
香得黎,食落又辣辣地,好惹味,
個種辣係我依d唔係好食得辣既人都接受到...

刀削麵唔係度度都有得賣,
我第一次食係係祈福個條美食街,
一試就我愛上左喇~
之後第二次去,已經話無得賣,無得食喎,
好似話個師傅無係度做,
後尾我都有試過第二度果d,包括埋依次依間,
我依然覺得暫時未有一間可以代替到第一次食果種刀削麵~

今朝早好早起身,6點9左右就起左身,
因為要拜山(番鄉下既主要目的),
成晚無覺好訓,全部都係拜我妹所賜(怨恨)!!!

來緊個禮拜三就去柴灣拜我阿公喇!!

慘!!!

今日體育堂考試,考打曲棍球,本來我個組有個人absent,
可以唔使考住,點知個個都考哂試,
Ms崔米叫我地都考埋,果個就唔理佢喎~
咁組組都考左,我地果組米冇對手比賽lor,
(注:今次考試係以比賽形式進行)
依個時候,班男仔係隔離個邊考完試,無野做,
就過左來一齊打,個時大家都唔知好high,
完全都唔知佢地係邊辯,一時係我地個邊,一時又倒轉槍頭,
總之同班男仔玩,我地完全唔係佢地既對手(即使佢地未打過曲棍球)!!
跟住我諗住係虎爺(我個班既,全名係紙老虎paper tiger,
唔好問我點解呀,我都唔知~)--敵方度搶番個波,
點不知當佢用力打個波出去之際,佢打左個波出去,
支棍回力個下就打中我左邊面(眼對下果個範圍),
你想象下成支曲棍球棒兜頭兜野打落塊面到,會點??
果刻我個頭有d旋轉既感覺,跟住我feel到有腫腫地囉~好痛,
(我個陣真係好想即刻喊出來ga)
但佢地個個都話冇野喎!!只係腫左dd咁,我就用我手遮住先,
之後繼續比賽(*搵到一組女仔幫手打多場)
完左之後,我就戴返個口罩,[第一次知戴口罩題既好處]
但係唔知戴個陣,好痛囉~
後尾補課之後,Kar話比我知左邊面係損左,
佢地(我個班)個個都話無腫無事,尤其係打傷我果個,
講大話呃我,好野呀~paper tiger,嬲死你~[開玩笑而已,haha]
不過到依家我仍然覺得塊面幾痛lor~
尤其係掂到個傷口位同埋面骨d位,
我好擔心唔知d骨有冇裂到或者塊面會唔會瘀囉...
聽日仲要出街買相機ga嘛,點見人呢...

我真係一個好奇怪既人~
唔知點解越係受傷,就越鍾意依樣運動,
學下"Keroro軍曹"果個摩亞大人講野先,咁樣算唔算係犯殘呢???
其實先前打曲棍球既時候,我都試過係俾人打親隻腳,
咁岩得咁橋,又係左邊個隻,
結果米整親舊患囉,so painful,都係新年個陣既事

My dear wing

雖然可能晏左D,不過都同劉wing講聲"生日快樂"
Happy birthday ar!!
唔知你鍾唔鍾意我送俾你果份禮物(mimo-Coco)呢??
其實我都好唔捨得架,Mimo呀~
不過Winter Fest.依個系列,我會鍾意白色個款(Anna)多d囉,
我覺得紫色(Coco)依隻好有Anna Sui ge feel咁~
同你講呃~份禮物好貴架!!(-應該係我買過最貴既一份禮物-)
不過最緊要係你鍾意喇~
因為份禮物都有好幾個人(Kar,阿哲,舒霖)夾,
所以我答應你遲d買多份cinnamoroll既禮物送俾你(在此承諾~認真!)
[今年動漫節勢要買到at least 1隻mimo ar]

先頭送禮物之前,唔記得影低d相,
所以只可以post d係官方網址既product相...

↑Winter Fest.整系列,共4款,我鍾意Anna個款(右二)

↑送給劉wing既個款

P.S.Hope all your wishes will come true,
happy 16th b-day,enjoy this year

Keep on later......

出發喇~去旅行呀

我要出發喇!如果影到咩靚相,再post上來,
希望可以玩得開心D啦!!
我要年初三先番架,唔使打俾我,搵唔到我喇,
呀~祝大家新年快樂!鼠年開心!大家要逗d多利是!
恭鼠!恭鼠!

For the day end

今日嚴子又無返,唔知佢係米病左ne,
其實我有d羨慕佢,若果佢聽日用有病做藉口唔番,
咁米唔使去咩小西灣定西灣河...算喇~使鬼彈,
總之係去睇咩聯校教區運動會,
不過聽朝Ms Lui請食既cheese cake,tiramisu,
mango mousse同chocolate cake就無份食囉同埋損失$15車費!!!
其實係Ms Lui話我地個班英文班考試冇人肥佬到,
所以就請我地食cakes,不過佢話只有Teresz佢先至滿意,
Teresz佢差唔多有成180分總分,點鬥呀...無奈!!!
仲有Ms Lui佢要我地環保d,自己帶私家碟加叉.


個成死人瀨尿蝦(坐我隔離位果個無賴),衰到無人友,超衰格,
憎死佢,依排成日話我低B又煩,我都未厭你ar,
死人頭,乞人憎,又成日係上堂個陣騷擾我,
係咁玩咩"地震",搖我張desk,搞到我寫唔到字,
今日我問佢交換枝原芯筆,
佢話咩對枝筆好有感情,夜晚都要攬住來睡,低能仔!!!
我同佢搶既時候,仲係俾佢整親隻手...好過份ar~之後我就無采佢喇!!


依排我班既班會費用到見底,仲穿左個洞tim,根本冇哂錢,
其中有d錢仲係我自己貼出來先,
尋日件事揚左,Ms Lau(班主任)知道我地既財政狀況後,
就話要係新年假之後番來收班會費$25,
原本我都幾開心,終於有人幫我講主持公道,
但係今日聽到我班有d人有d微言,話唔知點解我地班收班會費收得咁密,
你估我想架!我依家同樣都要俾一樣既錢出來,我都有冇得括免架,
我又冇中飽私襄,而且我每個月都有做到個收支表,
唔信既話,可以check數check單架,我一直都有keep落來...
仲有佢地又唔諗下人地理科班係唔使印notes架,
而我地班既主要開支就係印中史notes;
好呃~就算要同隔離班(文科)比,人地搞聖誕聯歡有64俾,
我地之所以俾$30出來,都係用來俾到會姐,你地都有份食ga,
我班d男仔成日將我當箭靶,我夾係你地同Ms Lau中間都冇人care下我,
好似今日中文堂冇原稿紙,又關我事,無拿拿又被人俾說話我聽,
依家真係慘做財政,要做埋總務既工作,
買咩都要我負責,仲要俾人點來點去(very ANGRY!!!!!!)


今日唔記得帶相機影相,
以為冇得影低我地今年圖書館學會星期三既組員全體仝人大合照,
好在莫英麗有帶炸,我今日都幾開心,又幾唔捨得,
今個學期係我,應該係最後1次做人地既組長lu(感概),
我個組有2個F.5,下學期,即係新年之後,就唔使再當值喇,
that why我地要影返張相做紀念,
今日莫英麗帶個部相機影唔2夠張就冇電,
好彩熄完再開,開完又再熄之後,都影到相,
今年我地星期三依組真係幾熱鬧,又幾融洽,大家相處得都唔錯,
依家去走左2個,真係唔多捨得,
尋日影club相呀,我同樣唔記得帶相機,俾會長大人講中左喇~真係冇記性...


影完相之後,同左淑謙,阿哲,Kar同劉wing去左搵暖蛋芯,
(為聽日果運動會果邊既天氣做好準備)
但今日班Form 3去左全部都話暖過大埔,
果然搵左好奈都搵唔到,期間我同Kar見到麥記就好想食,
呀~聽日問下劉wing可唔可以去麥記食lunch呢,
後尾係個間咩化妝品中心見到有暖貼同暖蛋賣,但冇暖蛋芯賣,
但因為價錢唔岩,去左7仔買,早知就買埋個暖貼la,
即使阿哲唔同我夾,我去旅行都用得著,
之後我,哲,劉wing,kar四個去左阿婆豆腐花度,
一人買左一碗熱辣辣既豆腐花,
Kar同劉wing落左超多糖落碗豆腐花,傻架!!!
食完之後,暖笠笠,好幸福呀~

Week總結

講明先呀~今日打ge依篇blog係好長架,要講番上上個禮拜既野!
long,long time ago...

17/01/2008:
果日如我之前所講La,同呀哲,劉wing去左旺角,
同以前一樣,一定會去行旺角"必到之地",就係...信和LA
由於日子過有左太長關係,詳細ge野唔能夠盡錄,
咁唯有將我記得ge野打出來,但係就記唔起邊件事發生先,大概啦...
果日因為哲話佢有間漫畫店ge會員咭,買漫畫有9折(10%off),
都係係信和既某1層(唔多肯定)
加上wing同哲都話要買漫畫,咁米同佢地睇下,
因為要買頸巾俾自己同阿妹(weather is stil cold right now),
諗住要自制一下,忍住唔買,但最後都係買左果本"小女神花鈴chu"第5集,
我記得wing貪個間買最新ge漫畫有得減3蚊,如果再有9折就very good喇,
但係最後都無,無所謂啦~減3蚊都唔錯...
後尾我係信和2樓(sure)個度,
發現有間賣mini figure(亂瞎),好似d咩果子ge鋪頭,
原本見到門口擺左d不雅ge figure,
但係裡面竟然係賣d又平又得意既野,我買左2個,
其中有1個係好似麻布茶房既甜品ga,超愛麻布茶房,
我之所以記得係因為我同wing約好左每次去親信和都要去個度買一個返去...
之後我地又去左Hobby館去睇Mimo,
我見到先頭想買個條士多啤梨USB頸鏈,佢出左2GB ar,好想要呀,
當然價錢又貴d la,around $350-400...
果日我最後都買唔到現成ge頸巾,唯有買冷喇,但係我又唔識織wor,
咁我點?我就走落去個姨姨屋企,請佢幫我織,
其實個姨姨係先頭幫我整電腦個哥哥既媽媽,
因為佢依家報班學緊ma,好有經驗ga,佢識織好多花,
但係...我就冇咁既耐性啦!!
我依家返學校個條頸巾米就係請佢織個條囉,好柔軟架~
有好多人都好羨慕我ar...
呀~個姨姨仲講請我食酒心朱古力,好靚架!!
其中有2粒係玫瑰型,是sweet,

我用左手機影,唔多清!(上)
臨走既時候,我同阿哲買左枝冰糖葫蘆,超棒!!我又超愛呢~


18/01/2008:
依晚我出左去食飯,類似去"飲",
個晚我覺得最得意既係飯後ge個d壽包,超!超!超大個~
我要左個,不過食唔哂呀,haha~
我又係用部手機影:




26/01/2008:
今朝補完習之後,因為媽咪要返大陸搞d野,我就費時番屋企,
係沙田等到夠鐘就搭車去尖沙咀學日文...
期間,我去左大眾,"嘩",見到好多新出既bunny king products,
like 簿呀,襟章(我買左喇),mouse pad,電話座etc.
嚴子話佢屋企樓下間文具店有得買個mouse pad,比起大眾平左4蚊,
我即係叫佢幫我買,不過佢尋日病左無返,今日先俾我,好鍾意ya!!!

Bunny King大頭電話座

My Lady大頭電話座(左)+Bunny King中size公仔(右)

先頭我去左大眾好多次想買都冇哂既餅乾,今次我去終於都返貨啦,買左lu,
係沙田個度我仲撞到岩岩比完賽既Flora同Ms Yuen,
仲有好耐無見既Ms Chung,
long time no "C"(can stang for Chung or see),
唔記得問Flora場辯論比賽贏定輸tim...
依家日文堂換左sen sei,以前係Victor,而家係長田(Osada)sen sei,
好掛住victor佢呀!!!!以前佢係度就成日嫌佢,
依家冇左佢,先至明白佢ge好,計埋個堂,已經係轉左sen sei後第3堂喇~
Osada sen sei佢好嚴ar,同佢上堂好大壓力,
但係Victor話"嚴師出高徒",我唔祭呀!
我己經聯同我班同學同校長反映我地要轉sen sei,轉番Victor就最好la,
仲有因為有新同學加入,我有左個勁敵,係個男仔來,佢好似叫nei san,
佢雖然得Form.3,但係佢識既日文字多過我好多ar,超勁!!
我要打低佢,好似劉wing既冼鴻銘咁!
果日Eric san(staff)仲俾左好多日本雜誌我,好重!
早知就遲d先拎la,我拎住袋野去旺角,tired...
跟住我又同我表妹去旺角搵我阿妹去新寶睇戲,係睇"愛鬥大"
終於睇左我好想睇既戲之一,跟住係"魔間理髮師",
因為我好欣賞Johnny Depp,但係睇預告片既時候,好似好血腥,
thus有機會打退堂股,不過我一定會睇<L>,支持!支持!
睇完戲都成8:00,我又走過去信和2樓果間野買果子figure,kawaii de-su,
我同表妹加阿妹之後去旺中同新之城買杉過年,
買左件長身杉俾我阿妹,仲幫佢諗埋點襯tim,
我表妹就買左件我好鍾意既黑色外套,鬼叫佢係我表妹,唔同佢爭,割愛喇,
then行得太夜(around 10pm)就決定去我表妹屋企過夜...

28/01/2008:
收到舅父做俾我ge boots,有長boots同短boots,一共2對
全部都係日本ge款,由於我舅父果間鞋廠係專幫日本人造鞋,
第二度冇得賣ga,我肯定香港唔會有依d款ga,獨一無二,
如果有既話,就一定係係日本買番來,
聽媽咪講1對都成千蚊架,ex ex expensive

好耐都無更新個blog係有好幾個reason ar~
主要係因為唔開心......不過放心啦!!我無野加架喇!!!
我大個喇嘛,"跌低左要自己爬番起身"
同埋我諗我要好認真咁樣同kar,哲,'賢姐'(劉wing)...
所有真心對我好既朋友講聲"SORRY",
上個禮拜我真係好down,我就發你地脾氣,
做左d唔合理ge事,好在你地仲係我身邊炸,
我要向咁多位支持我既好朋友致萬二分ge歉意!!!!!
仲有呀~劉wing,我更新左喇,滿意未呢...
今次我仲要特別同"梨子"講聲"對唔住",
上個禮拜五,因為我搞到你要捱*好運,好對唔住呀,sorry,
下次我一定一定會同你食餐好ge,再約呃~我保證下次唔會再發生上個禮拜五果件事!!

閉關完結~出山喇!

哇!Yeah~終於裝好左個PhotoImpact,
心急ge我忍唔住拎左張Blythe ge相玩,

整得唔好~唔好笑呀!!!始終我都係個"初哥"炸......
[我自己就幾滿意ga`]你地又覺得點呢??
好喇,我唔想打啦,"So tired"嘛~
補充多句:我今日同劉wing加阿哲去左旺角行街,
大家返來ge時候都山窮水盡ar,聽日再打今日ge野LA...

お誕生日おめでとうございます

Happy Birthday To Kar~
(韓文)생일 축하해요
(法文)Bon anniversaire
(西班牙文)Feliz Cumpleaños

あけましておめでとうございます

依篇blog係我係2008年寫既(或係打既)第1篇blog.
係度再祝大家新年快樂,Happy New Year!!!
日文ge新年快樂: あけましておめでとうございます
我希望大家今年ge願望同目標都可以達成喇~
新既一年新既開始~好老土,但真心祈盼哦!!XD

P.S.最後想講既係今晚超超凍噢(冰到殭硬左)!!
今晚出左去玩ge朋友千祈唔好凍親
如果可以ge話,我都好想出去玩,只可惜……實在太凍~乞嚏!!