謝師宴之揀衫篇

今日同哲哲,Flora,Kar係紅蕃茄度食晏,
第1次係度食野......
唔知點解感覺上同Flora既距離近左,
自從升上Form 4之後,已經好似冇咁熟!!

之後,同哲哲出左尖沙咀睇Grad Din既衫,
首先去左SOGO既Liz Lisa,
因為大殷話佢係果度買,dress係好靚,
第1次睇果陣冇睇價錢,
但再番去睇...果陣只可以講句:大殷你未免太有米喇掛!!!
普遍一條裙都要$800-1000,
雖然我好鍾意d外套,但都要成$500-600,
個價錢真係令人卻步!!!
其實都有行海港城,
咩b+ab,bread n butter都有去睇,但都唔岩囉~
後尾走左去我日文學校後2條街睇,
睇中左件黑白色高腰裙,
同大殷講話岩我著果D款差唔多樣,
而且試著後都好岩身,價錢只係$59.9,諗住扑鎚買,
突然間諗起Soyee,佢話比我聽買左條黑白色高腰裙,
但就冇講details,咁米打比佢問下,
點知真係一樣!!!
3粒鈕~中!
後面交叉帶~中!
黑色果度有皺~中!
有冇咁橋???!大家睇中既裙撞左,而且佢係買左!!
我係尖東依面只係$59.9,但佢係旺角買就貴足40蚊:$99.9,
好在我有打依個電話,如果唔係真係擁撞衫,
人地話"撞衫，是繼撞到前男友拖著現任女友之後，最尷尬的事…"
絕對同意!!!
再加上Grad Din我應該同佢坐埋一齊,
到時真係比人地以為我地扮TWINS~救命!!
不過,我依家真係憎死Soyee你!!!
係你累我買唔到衫,即使番尼大埔超級城都冇收穫~
當然哲哲都同我一樣食白果,
行足成日啦!!好憎搞埋d咁既Grad Din~好煩呀!

我同哲哲係海港城都睇左江啟明既素描展,
佢既作品都好有特色,
仲乘機可以睇番幾十年前既香港,
只可惜~唔記得上果艘船睇書展!!

插曲:係海港城見到既櫻花旅行箱~好靚


今日唯一既收穫就係係IROIRO度買既新筆袋,

最近愛上左咁既花/喱絲!!

尼緊果禮拜三要趕起Speech Day個board,水浸眼尾啦!!
聽日要番學校陪哲哲練最後既Eng.Oral,加油呀!!要考得好!!
但我...29號先叫正式解脫~有排!!!

最後定案

澳門之旅取消喇!!
唔知點解好似得我最唔開心囉~
一心諗住可以7個女仔一齊去旅行,點知一波三折,
一係年齡問題,一係要就所有人既時間,
永遠做organizer既我就永遠都係最唔開心,
有d心灰意冷,
前晚打比kar話比佢聽依個決定,
同改為海洋公園一日遊既諗法,
但聽佢既語氣又似我係度勉強佢,
算喇~係依group朋友當中,
我好似越尼越冇號召力,
加上......算啦~咩都取消算!!!
Kar都係同屋企人去,
劉wing同WING WING佢地去,
咩都係唔搞好!!!
始終做被邀者有權選擇,唔使你做YES MAN,right??
而且~我已經再冇咁閒情啦!!
我只係發下牢騷~唔使咁在意依篇POST(或者根本冇人care~)

父親節前夕

今日又係好熱,仲未打得成風,
幫Melody補完習,趕去JUSCO會合媽咪,
仲係supermarket果邊買左整甜品既材料,
有幾貴既紅豆蓉,同埋寒天(即係大菜),

但買唔到焦糖漿~邊個知道有得買,記得話我聽,
...估唔估到我整咩甜品???
其實仲爭D新鮮既水果,聽日買!!
之後,去左運動部睇我好鍾意既網球拍,
仲未捨得買,PRINCE等我呀~
我細佬就係度睇袋,我提議佢買Le Coq Sportif d袋,
但佢話唔鍾意,死都要睇Nike,
我覺得真係好普通囉,又唔係話好特別,
不過最後都空手而回!!!
行過男裝部,突然有種衝動想買父親節禮物,
同媽咪磨左好奈,睇中過2條粉紅色既呔,
但媽咪話爸B冇麥機會戴,
而且個色好似好後生,但真係幾靚,
後尾睇銀包又唔岩,JUSCO既男裝部真係廢廢地!!
冇咩款揀,差d就買得成第1份父親節禮物~哈哈,
自我懂性或者有財政來源以來,
都冇送過比爸B咩禮物,
不過我知無論我送咩比佢,佢都應該會好sweet,
唯有聽日去一田睇下啦!!
因為先頭細佬打爛我個飯碗,
今日終於買番個新既,好靚呀!!
係櫻花圖案,好驚自己唔捨得用,好鍾意~好鍾意...

因為太熱,走果陣請大家搭的士返屋企,
費事流哂汗咁等巴士喇!!

P.S.見劉wing好勤力咁打fc2,有d心動想開番個,
如果開得成,我應該會轉打書面語,
連依度都要跟住變,費事打2個post!!

同場加映

我真係食煙三文魚意粉食上癮喇!!!!
今晚去大快活食飯果陣,又食喇~
原本想食鑊仔牛立方,
finally都揀左煙三文魚露荀意粉,
食完,只可以講句扁意粉好食DDD囉!!!
爸B食左我(原本)想食個牛立方,
其實成碟唔知得7,8舊到,
但比我食左3舊~呵呵,真係唔錯既!!


今朝9點9要學琴,叫媽咪8點半叫我起身,
但結果都係係張床拖到8點11先願起身,
之後又係火車度撞到田曉彤,
原來佢要去上水幫人補習,
同我果個一樣都係F.2,收費都係一樣,
但係我舒服好多,
at least我唔使去到咁遠,又有車接送,哈哈~
我媽咪話田太平日唔會講佢個女既野,收收埋埋既,
依家我知道佢個女做咩,我覺得自己勁過~媽咪

今日學琴,係姐姐度聽到d野,係關於我細佬,
總言之我細佬順順利利過埋依個零月,我就安心喇~
跟住我幫姐姐包完書先走,
原本今日我應承左我補習果女仔改文既,
但今日就唔使補,休息1日,
點知一睇到佢篇ENG WRITING,
我終於明白姐姐講既野,
佢既英文程度可能真係得4年班,
之後同佢媽咪溝通完,都覺得今日都係補埋去,
如果唔係,我都唔知佢聽日點考依個ENG WRITING呢!!
佢媽咪一開始已經比埋學費同車飛我,係諗住補2個鐘,
點知我同佢溫到6點7左右,OVER差唔多半個鐘,
佢媽咪原本叫我搭6點果班車都走左,
結果佢媽咪又車我返屋企,
因為頭先唔記得同佢溫下寫STORY,
食完飯跟住就打比佢講1次,

其實OVER少少,我唔會care,
我明白洩底少少,但能夠keep住個學生,
得到既會係更長線既,
但依家d大人係米真係當我地傻????
---------------------------------------------------------

今日冇喇喇同媽咪講起以前學舞既野,終於知道真相喇~
已經係好細個既事,媽咪唔講真係一d印象都冇,
原來學芭蕾舞果陣,係因為媽咪要做手術,
但我唔明同我唔學或者冇得學有咩關係,
但如果唔係媽咪既關係,我依家仲會學芭蕾舞嗎~值得思索下,
到學中國舞就係因為個老師走左,學校搵唔到人教,
N年前既野到今日終於揭開謎底喇!

是日工作

今日都有去補習,比起尋日辛苦d,d野take up緊,
但同我補習果女仔比起尼,佢應該仲'支力'd,
因為我迫佢做數嘛,
雖然好奈冇掂過f.2既數,但好在都冇生疏到,慶幸既~
禮拜一就同佢溫area & volume,
原本今日都想同佢溫奈d,
但係我知道佢都係咁上下喇,
佢媽咪好好人,係咁問我飲唔飲野,食唔食野,
而且仲好體諒我,頭先補完習仲車我返屋企添!!!

尋日唔記得左講韓國播出花樣男子之後,
李民浩同金賢重係套劇既髮型好受歡迎,
仲叫咩田螺頭同金栗頭,


我真係唔知點解俊表(李民浩)果頭叫田螺頭,好難聽囉~
但係金栗頭就真係好襯金賢重,
一開始~其實我都好覺囉!!
仲有少少似我先前畫既蘋果頭王子~哈哈哈

似嗎???

P.S. ♥金賢重생일 축하해요

♥♡花樣男子♡♥

4日!!由禮拜1開始至到今日零晨4點,
我將25集既韓版花樣男子追哂,
依幾日,我每日都好有目標咁追劇,
我已經中毒喇~超級超級沉迷!!!
今朝睇哂果陣,我並唔係解脫,
而係覺得依個人生已經冇哂意義[誇張~滴滴汗!!],
個心好似空蕩蕩咁,
真架!!!我冇左我既目標喇~
好奈都冇好似咁中毒中得咁深啦~
上1套已經係放羊的星星喇...

P.S.劉wing一聽到果名,就好直覺認為係放羊的"猩猩",絕對唔係呀!!


我依家超鍾意做具俊表既李民浩[右上],
同埋做尹智厚既SS501隊長金賢重[左上](佢識彈木結他呢),
其實我都唔知:我係鍾意佢地係劇裡面既角色定咩,仲之就好迷啦~
佢地係套劇果名用中文讀好難聽,但韓文順耳好多(*我識讀~重點)
睇哂成套劇,好有衝動學番韓文,
呃!!我學識左講韓文既"我愛你"喇,
成日都記唔入腦,可能仲未有好深愛既人啦~
♥EVA~我可以同你溝通喇

去到最尾果幾集,我真係好唔願意睇落去,
因為唔捨個得咁快做完囉~
但唔睇都睇哂啦,我依家就日夜聽sound track,
我知道出左好幾隻original sound tracks,
仲有隻F4 SPECIAL,唔知香港有冇 呢,
為左避免好似以前果種3分鐘熱度累事:買番尼既野最後變成廢物,
我決定比D時間自己CALM DOWN下,我都仲有D理性吧~哈哈

講番今日啦,補習工作正式開始,
今日補既係個FORM 2,好羨慕佢囉,
我地以前FINAL TERM考試係全個學期考哂加嘛,
但係佢間學校係上下學期抽d尼考囉,超正!!
再加上比我地果陣讀少好多科,又冇中史,history同EPA呀~
佢除左果英文底差d,都唔係太難教既,
算幾輕鬆補左2個鐘,
之後同佢媽咪落番尼火車站,
又撞到GIGI WONG,傾左陣,
就搭巴士去吉之島,原來本諗住買整野食既材料,
點知冇帶食譜,聽媽咪講到一舊舊,
算數!!聽日再去過,反正都冇咩做,
之後,落左去玩具部見到BUNNY KING出左把新扇,買左,
講起上尼~我補習果女仔同我一樣都好鍾意BUNNY KING,
不過我唔同佢將所有BK既野拎尼用,
而我只係用買尼收藏,可能都唔鍾意既時候就變成廢物,
去埋大眾,就番左屋企LU......

我既戰利品~貼紙係大眾買架

今日出依篇post,有一半原因係因為kar,
佢話我好奈都冇更新,
係既~更新喇!!!!有口話人冇口話自己,Kar你都冇打喇!!!
我岩岩諗起通常大家都用唔同既media打BLOG,
有QOOZA USERS,有YAHOO BLOGGERS,亦有XANGA USERS(最多)
講起尼~KAR打比我:係想問我ENG ORAL PRACTISE既時間,
其次先係BLOG,
ALAN Y.又打尼問過,劉wing都有提過下,
我想話尼依個oral practise同我既關係唔算大囉~