Fire up

今天火大了,卻無力反抗,很討厭這樣的自己!!

今早晚了點學琴,
本來遲到~我明白是我的錯,沒有可能逃避,
可是我沒想過會遲到20分鐘,那絕對是我預計之外,
3號風球,根本不會像平日一樣一窩蜂擠上小巴吧?!
結果坐在小巴等了十多分鐘,才可以開車,
說這些不是想幫自己辯解,只是想人家體諒,
一早由大埔趕去粉嶺是蠻苦,
乘車的時間也要預計,不是說到就到,
到了學琴那兒彈了沒會兒,就被罵足1個鐘頭,罵哭了,
每次被罵時,我都很希望自己能有多一點勇氣去駁斥對方,
總不會她罵的每句都是對吧!?
不管是她,還是我,都火了,
作為老師的她可以把她認為對的抒發出來,那我呢??
就連facebook或msn也不能打出來,就別想跟家人說...
很辛苦!!真的惱自己,就是沒那一點點的勇氣罵回去,
我也不是沒有道理,我也有我看的一套,
而且她又拿補習學生作威脅,很討厭的,
這樣你確定可以牽制我嗎???很可笑的~
還有你根本就不了解我以前那老師,就別再我面前說他的不是,好嗎??
即使他沒有你那樣懂教我,但他待我真的很好,
我明白你罵我是為我好,但請別以為為我好,就要我聽你的,
我受不了!!
以前那老師從來都沒迫我,又沒罵我,
但不代表他只是個只賺錢的老師,
我彈個得不好時,他是會彈我很喜歡的"卡門"給我聽,才不會罵我,
有時候我也會想他比你還會教吧?!!
At least我沒有一刻會討厭他!!還有我是吃軟的呀!!!
我想她唯一說對,或是我認為對的是:我真的沒心學的!!
我做其他事時都很用心,而學琴就沒下苦功,
那是因為我做別的事情是我自願的,從來也沒有人去force我,
可學琴~坦白說,我也真的沒提不起興趣,
強迫我,我想只會弄巧反轉,
學琴一星期佔了3天還不夠嗎!?這樣纏得我很緊吧!!
每次我想學的,我都很用心,因那是我所喜歡的~
我想學琴跟練琴是唯一的吧!!唯一被強迫的!
我真的不想繼續!有沒有人肯諒解我的感受??

回家以後,又睡了數小時,因為真的真的很睏,
晚上又上了大家樂食飯,
又是那個霜花牛肉饅魚鐵板飯,很喜歡那種焦焦的味道,
我跟我妹,弟一共叫了3客,
之後回家看著超級巨聲,找尋我學校的那個參賽者,
他超好笑的!!!一定會在網上找回那篇片段!!
忽然收到鄧sir的來電,問我中一中二的參賽紀錄,
說要寫推薦信,
不知怎麼,會考放榜的壓力又來了[憂心]......

後天要回鄉一趟,回來就去書展跟海洋公園~

大日子

今日係好多人既大日子,
首先係我細佬,大殷個細佬,Bo Yee個妹,
我表姐個女(唔知點稱呼)既升中派位日子,
亦係大殷17歲生日,
同埋董建華董生既生日~係劉wing講至知,
今朝~一起身就聽到好消息:
細佬入到第1志願既迦密柏雨呀!!
Top of Tai Po既中學,真係幾開心!!
萬一升唔到,就應該入VC,
But anyway,依家入到間佢鍾意既就好啦!!
[後尾先知係細佬自己話要入依間...]
醒左之後,練左1個鐘頭度,就去學琴,
竟然出奇地準時~
聽鋼琴老師講:我細佬果敵人入左VC...哈哈(奸),
最近鋼琴要加操,尼緊禮拜四,禮拜日都要學!!

Then就同埋楚絲,劉wing一齊出旺角,
趕去買埋份大殷既生日禮物,
點知身水身汗去到間鋪,竟然未開!
又要趕番去新世紀間Spaghetti House join佢地,
我地遲左20 mins,原本約1p.m.,
經此lunch後,我以後都唔會再叫小龍蝦既野食架喇!!
好唔鍾意陣味呀~
食完晏就去左瓊華度影貼紙相,
依個係大殷生日既傳統,
7個人總共影左3輯,搞左好奈囉~整完都4,5點,
期間佢地畫緊果陣,
我首先拉左楚絲去玩灌籃game,4蚊鋪~好貴!!
但就玩到不能罷手,
之後劉wing,Wing Wing,李欣樺,嚴子都尼玩,
影完貼紙相,就開始各散東西,
我同楚絲就趕去買禮物先,
大殷同嚴子就係附近行街,
劉wing,Wing Wing,李欣樺就行信和~宅也!!
我同楚絲之後都有搵劉wing佢地,
大家諗住一齊番大埔,但佢地選擇搭巴士,
咁就冇一齊,coz we chose to take MTR,
我地比左份禮物大殷之後,就番去TP,
我地一路番大埔,一路傾,
仲係旺角坐去尖東,先番去~

其實份禮物係我同舒霖,劉wing夾份既,
係度再同大殷講聲"生日快樂"
Kellyさん,お誕生日おめでとうございます
仲有Sorry呀~張birthday card......

下個禮拜,Ms Liu結婚,要比d心機諗下送咩結婚禮物!!!

晏d就係MJ全球追思會......
in my loving memory of Michael Jackson~

P.S.今日做左1晚乖乖女~幫手洗碗

Together w/ fd

今日同左Bo Yee出街,係佢番左尼之後既第1次,
我地2個出左沙田食lunch,又係去食串燒,
跟住行左好奈街,陪佢睇衫,
佢買左幾多野架~但係我只係得d零食既收穫,
因為先頭去睇Grad Din衫果陣已經大出血,額外買左好多衫,
我地一路行街一路傾下大家既野,
話哂已經成年冇見喇~上年christmas又冇出到尼,
傾左好多野~我最有興趣既梗係佢果bf:Ricky Li啦!!
聽Bo Yee講佢bf真係好疼佢,對佢好好,
有好多野都好羅曼蒂~作為佢既fd我都好'鄧'佢開心!!
希望佢地都咁Sweet啦~
我仲提議大家連埋佢bf可以一齊去玩Ocean Park,
...其實我自己想去,仲可以乘機見下佢bf添~哈哈
之後去左CitySuper買野,
TOMO係大殷既17th birthday,我特登揀左張b-day card,
每次我揀b-day card果陣好奇怪既係:
我都會諗如果我生日都有人揀張我鍾意既就好喇~
唔知幾時可以實現呢??
而Bo Yee係度又買左d野比bf,
果陣我真係覺得佢係墜落愛海既少女,
愛情真係能夠令個人盲目嗎??
Then番到大埔,我就送佢番屋企,上幾次都係佢送我番屋企既,
之後又走番新達買幫細佬買野食,and自己果份,
唔知係米食得太飽,冇麥胃口食晚飯,
但係就飲左2碗我既lovely蕃茄薯仔湯~正呀!!
飯後甜品仲有車厘子呀~all my favourite呀!好飽呀!

P.S.本來今個月21號係我二叔結婚既日子,
要成家番鄉下幾日,但係22號就係書展開幕,有d唔開心miss左,
不過,媽咪話細佬同阿妹既暑期活動撞哂期,
可能只係stay 1日~可喜可賀呀!!Yeah~

S.P.A.

今朝約左劉wing食早餐,係大家樂,又遲到啦~我,
之後就會合Kar去石峽尾既SPA.......開會(義工Tutor),
[SPA=Single Parents Association]
結果早左15分鐘到,等左好奈,d人都未到,
咁我地就係咁傾下我地年代既卡通片,
到等齊人,我地就出發到centre,有2個,
開會期間有個疑似提子麵包布甸既物體,
真係幾難食囉~我已經同劉wing share,
但係我食得多過佢,好冇義氣呀!!
其實我食唔到麵包'林'左既物體囉!!
Thus我絕對唔會將蒜蓉包去浸湯囉!!
果陣我真係想一手拋左去,奈何成村人係度囉~
之後開完會之後,Hilda姐問我地join唔join佢地食飯,
但後尾係成班tutors中最熟既Olivia都唔去,我地都推左,
反正我同劉wing一早就決定要出MK,Kar就要番詩班,
Thereby同Kar搭唔同方向既MTR,
一上車,我就同劉wing講番果疑似提子麵包布甸既物體,
點知我冇留意到其中1個tutor:JOJO都上左車,
唔知佢聽到幾多野呢......尷尬~
一到MK MTR,我就嗅到puff既味,
又令我諗起果舊野,即刻想嘔,而唔係想食囉!!

原本諗住出完MK,就走去溜冰,
點知劉wing話果陣去,好似好唔抵...又冇去喇,
其實食lunch都2點幾,我地行完信和先去,
搵左間樓上cafe,摸左好奈,先搵到點想上去,
期間仲被人問附近邊度有萬寧,
雖然我好熟MK,但都唔多覺百老匯有囉~
咁好奇之下問下佢想買咩,原來係要買...奶粉,
SORRY~幫唔到佢!!

個到環境都幾好,不過撞岩人地搞party,嘈左d,
而隔離'木台'就好似d人係配音,仲要係柯南,
我地叫左個set luncxh配水蜜桃梳打,

仲有芝士焗薯皮,真係成兜都係cheese,
我諗flora應該會鍾意......不過依間野都ok貴架~
劉wing話下次要搵間maid cafe試下!!

其實今日來回信和幾次,因為有時間呃嘛,
要等今晚din din,coz我媽咪去左舅父度,
今次係CE之後,第4次都同劉wing食晚飯,
上左新世紀果food court度食,
叫左果拉麵同埋2個葡撻,之前仲食左冷麵,好大食添~
我地個傻婆仲創作左果"拉麵戰爭1之Food Court之役",
此乃由劉wing將我個匙羹係拉麵碗浸死改為陣亡開始,
不過劉wing講得岩,唔係親歷其境,係唔會get到我地既笑位架!!

Finally,今晚好早番到屋企......
今日最大既收穫係買到小池最新既single:キミだけ,
唔係台版,而係日初尼架!!!好開心~
仲係潮特揀好買比大殷既生日禮物,可能聽日出去先買掛XD