無聊...--_--

最近硬係覺得自己都幾"力奇",
繼聖誕個日被我係APM撞到唐禹哲之後,
依排去親OK便利店買雜誌好,買報紙好,
隨報紙雜誌附送ge紙巾裡面個張幸運指數咭都抽到有1蚊現金,
雖然唔算得係乜野大LUCKY,但係連續幾次都中,我都好滿足ga喇.

講起上來紙巾上面個張"開口貼",最近成位左我班ge"玩野對象",
我班人拎左個細board,用來做個"紙巾龍虎榜"!!!
依家榜首之爭就係由兩個OK & Tempo係度鬥,
好無聊,好白癡噢,我都係咁覺得呀...

岩岩睇完雜誌,先發現我今個禮拜ge吉星同黑星係山羊座同獅子座,
咁岩我個妹同我細佬分別係前後者星座ge人,
睇來都幾準呃~我同我阿妹一齊ge時候都ok lucky ga,
不過唔好行埋來呀~細佬!!
其實講真呀~我會比較相信星宿之說多過咩生肖之說囉...

P.S.好後悔Boxing Day個日冇去大埔超級城去睇鄭元暢(小綜)呀~
又好羨慕大殷可以睇到小綜,佢有去呀!!(超恨ya)