最後一次

相信大家都知道九鐵同地鐵係聽日合併一事,
前幾日我都去左香港鐵路博物館影相,
不過絕非為悼念D咩,而係為左影相做VA功課--拼貼~嘻嘻
[係喇想問下有無人識用photoshop或photo impact呢??]
果日其實都好多人來影相,平日果度都幾靜,冇咩人去,
後尾返到屋企睇新聞,先realise what happened(笑)

其實合併都係歷史上一個新ge里程碑,
呀!某d香港人米對依d轉變好反感,希望保留現況,
不過睇黎九鐵唔會成為香港人集體回憶ge對象掛,
又係ge,火車又唔係死物,唔似鐘樓呀,皇后碼頭咁,佢曉動ma...

今日去尖沙咀學日文,沿途一直都好留意火車的一切,
亦諗左好多野,可惜無紙係身,未能一一盡錄
但對我而言,亦值得去反思一下~
平日大家搭火車ge時候相信亦冇咩,對待火車不過為一個乘搭工具
對住合併之後ge轉變都不過是閒事一宗,
成就左某奸商高價出售九鐵火車ge各紀念品,模型咁...
放學後亦同Yuki搭地鐵去旺角行街tim!

人生中有不少ge"第一次",當中亦不乏"最後一次"!!!
我發現今日係......
最後一次搭屬於九廣鐵路ge火車;
最後一次睇由大埔開始去到終站尖沙咀真正屬於九鐵ge風景同火車站;
最後一次感受係九鐵火車廂ge氣味(嗅~);
最後一次用八達通卡去嘟九鐵火車站ge出入口通道;
仲有好多好多對九鐵個人回憶ge最後一次...

*我唔係對火車特別感觸良多,有咩唔捨得ge feel,只是有感而發而已...
過左今晚,依一切都轉變,九鐵將成為歷史,
時間果真一逝不返,
只可以係時間碎片不斷找尋過去回憶歷史,
係回憶中細味咀嚼當日情懷...
唔知道今日曾搭過鐵路火車ge市民有冇同感或係有認真感受屬於真正九鐵火車ge火車ge味道呢??
唔知聽日我搭港鐵火車去沙田補習ge感覺會唔會有改變呢??
弊家火!!!!我唔記得買張有九鐵標誌ge車飛添(失敗)

P.S. Lau Wing我已經幫你買左小女神花鈴chu 4,禮拜一拎俾你握,承惠廿五元正