白色情人節

At FIRST,祝大家白色情人節快樂,
但係今年既我仍然係要孤家寡人,
情人節對於我尼講:依然係冇意義,而且係冇得放假既節日~

最近聽左首歌,係方珈悠既大勇,
我連下面果個youtube都轉埋依首歌,
其實唔止依首,好多歌我都唔係第1次聽就鍾意,
好多時都要聽好幾次,先覺得okay,
依d算唔算後知後覺呢??大家有時間既就聽下la...
講起歌,尋日行街果陣去左大眾見到樣野,我覺得幾不忿,
事源係旺角果間大眾買完野,諗住走果陣,行左去CD位果邊,
見到阿Jill果隻碟激減至49蚊(定唔知係59蚊),
雖然阿Jill同關楚耀爆出咁既臭聞,
都唔需要將價錢減到咁低,驚死冇人買~
老實講,有咁既必要嗎??
要係覺得隻碟歌真係好聽,真係買得過既,
根本唔會因為依單新聞而罷買,
買碟麥唔係為左聽歌,麥係買果歌手既人格架咩???
我覺得不論個歌手係公眾背後做左咩醜事,
都唔應該將果歌手係佢音樂上面既努力抹殺,咁對佢好唔公平;
對懂得音樂既人都係1種侮辱!!!!
RESPECT to music plz!
好認真咁講,好多時d新閒主角唔係1位公眾人物,事情根本唔會變得大條,
我成日都係度諗我地睇公眾人物係睇佢地係幕前既演出,
根本冇需要去干涉佢地既私生活既遮,
講咩青少年既榜樣,擔心有樣學樣,真係哂氣既,
大家有腦既都識諗,有足夠分析力知道咩應該做,咩唔應該做囉,
始終都係一句聖人都有犯錯既時候,
唔應該係我地大眾去話寬恕與否既問題,
而係我地有權去選擇接唔接受番佢,比唔比個機會佢,
我既價值觀就係咁,即使唔岩聽,亦只可講句"觀點與角度既問題",
不過我要強調:我並唔係衛詩或關楚耀既fans,
我亦唔係話佢地做既野係岩(如果佢地真係有做),
我只係對傳媒大眾帶出尼既副作用有所保留,
正如我對於阿Jill佢公司決定雪藏佢件事並冇咩意見,
純粹係利益上面尼講~


今日check e-mail果陣,見到封broadway circuit既mail,
裡面係介紹1套日本漫畫改編電影,叫"舞吧！昴",有D想睇,

仲好似有東方神起既客串,咁我米即刻話比EVA聽,
點知佢話一早就知左,我當堂冇哂癮~
仲有呀!!個女主角幾靚女,叫黑木美紗......support
其實係mock之前有好多套戲都想睇,
好似有"保持愛你",主要原因係比首主題曲影響;
"愛到底",係因為有睇《幸福的抉擇》,so想睇劉心悠同藍正龍果pair,
仲有"愛情故事",大概係因為覺得係套慘情片,
但唔係幾想睇到Janice Man,所以會睇既機會性最低,
頭先去睇下UA果website,check下聽日沙田UA有邊套戲上,
諗住聽日去睇,點知上4套冇一套岩睇,
唯有暫時決定聽朝去剪頭髮先喇~

仲有添呀~計埋今日,已經第2次比依家個keyboard條線kick到,
個膝頭跌到應一應,仲要係2次都係同一隻腳,爆痛!!!
聽日一定一定要買番個新既keyboard呀!!!!!!!

今晚係打邊爐,令我諗起尋日係開益度見得阿呢既新著作:
"阿呢 夏天都要打邊爐"依來本書囉~

不過今晚打既料唔多,我諗媽咪應該好晏先決定,
that's why買唔到太多(食送),等我同阿妹仲諗住去岡本度食日本野添~失望中

P.S.尋晚好早訓,8點鐘到就去左訓,今朝醒個陣睇番個電話,
見到有1個劉wing同區佬,6個區仔既未接電話記錄,
嚇得我以為有咩大單野唔記得左,
後尾打去比區仔同區佬都冇人聽,仲驚!!!
點知原來只係問art既野係邊度買(最後區佬打番尼,我諗區仔既目的都一樣)~
以後真係緊急ge,send個sms尼;冇無聊先打個電話尼傾計,
我係唔會比電話嘈得醒既人,只係人肉鬧鐘先可能將沉睡中既我叫醒架!!!

今篇blog又超長喇......\(>口<)/"