舞吧!昴

今日我好衰,瞞住媽咪,
偷偷地出左旺角睇左場早場,就係果套:舞吧!昴,

原本都有搵人陪我去睇,但睇尼EVA真係嬲左我,
原本話約埋一齊睇,尋日打比佢,佢又話唔好,
鴨龍同ALAN YIP又話日本片唔睇,
結果我自己個出左去,但套戲真係好好睇,好好睇,
我好鍾意果故仔,我覺得套戲其中一幕好似STEP UP 2既,
開始冇奈,我已經喊喇,
成套戲我差唔多喊左2,3次,真係好感人,
同上次STEP UP 2一樣,睇完依套,我又好想學番跳舞,
記得好細個係幼稚園個陣,我學過2年芭蕾舞,
到小學個陣,又有學過中國舞,
甚至去到MUSICAL TRAINING都有機會練舞,
不過我是最有興趣都係街舞,
如果將來有機會我都想試下,
但初頭鬆番D筋係個幾難捱既階段,
其實仲左有一套戲我好想睇就係"開心直航",
有我鍾意既綾瀨瑤做,而且日場都係30蚊咋(仲平過我睇場早場)!!!
仲有~係戲中鍾意昴果男仔都幾靚仔,
硬係覺得好熟口面,唔知佢做過邊套戲我有睇過呢,
睇完戲之後,我去左信和,諗住買番先頭睇中左果本漫畫:日常,

點知個D鋪未開,搵唔到,空手而回,
但係信和門口,就見到:舞吧!昴"既電影宣傳,好想拎佢番屋企~

我鍾意既電影又多套喇!!!比我預期既更好睇~